Tapio Tuuri: Marcel Proust

Me ahora comensa leje Marcel Proust per sivili me plu. Seguente me va leje en mea manera de dia un capitol ["sura"] de Curan.

-Tapio Tuuri 5.5.2011

Democratia direta – cual lo es?

La sistem corente en mea pais Finland fa posible proposas de sitadanes, ma con los la potia de sitadanes resta a media, car politicistes deside en fini ancora intera sur legi e votores no have an un veto a desides.

En democratia direta lo es un caso de referendos. En esta, un cuantia spesifada de sitadanes pote fa un projeta legal. Lo pote ance conserna un cansela de lege legida par parlamento.

Democratia direta es un parte de proteje consumoral de sitadanes. Majoria de votores pote par lo pasea a supra politicistes leginte. Como taxe de politicistes ta resta en epoca de democratia direta la fa de politica dial.

Democratia direta ia es enforsada en multe paises sirca la mundo, ma plu completa lo ia have e have un importa en Suiz, do lo es en usa e en nivel de la unida, cantones e comunias legal. En Suiz democratia direta ia veni a usa ja en 1848, e de alora Suiz flori par lo.

Democratia direta en se aumenta la interesa e comprenda de humanas sur cosas political. Cuando un deside sur cosas es permeteda a humanas mesma, los have ance la motiva per descovre sur cosas. Cuando humanas no have esta direto de deside, los no have esta motiva, o no a alta grado.

On pote dise, ce comparante a politicistes, sitadanes es fadesides encargada, con cual me sinia, ce la encarga es sua. Sitadanes es forsada paia la custa de mal desides, e los recolie la fruta de bon desides. Sitadanes have un razona la plu grande per fa bon desides ca politicistes, car sitadanes have la encarga.

En Suiz en referendos longo democratia direta on jeneral have votas sur multe temas, donce per tota tempo suizes no debe vade per vota.

La Unida european es un unida de poplas e paises, no un unida federal formida par mera un nasion. Par causa de esta me duta, ce democratia direta no ta pote funsiona en grandia de un unida de paises. Me no crede, ce democratia pote es supranasional a alta grado.

La eserse de democratia direta e la asorbe de lo como un direto e model de la afeta political de sitadanes pote dura tra sua tempo, ma me no crede, ce mea popla finsces ta es plu stupida ca suizes como atores de democratia direta. Me no crede en lo ce en Finland esiste un cuantia enorme de tal "boves" de votores, cual fa mera lo, cual un parlor capas promete. An si sin duto lo esiste a alga grado, apena finsces no ia ta maneja asta ahora, si los ta es oveas securida.

...

PS. 19.11.2020: Orijinal me ia publici esta testo en lingua finsce asi.

Si un lege es nonjusta

Si un lege es nonjusta, un om (o alternativa un humana) no sola have un direto per desobedi lo, el es obligada per fa tal.

-Thomas Jefferson

Tapio Tuuri, un heroe finsce

Tapio Tuuri ia es a ante en sua vive un jornaliste de politica e membro de La partito democrata sosial de Finland (Sosialidemokraattinen puolue, SDP). En Anders Behring Breivik, la masacror de Noria, sua fondo en La partito democrata sosial de Noria ia aveni destruis a ante, ma Tuuri con un fondo similin ia maneja.

Blog de Tuuri ia es situada en adirije http:// tuuritapio . blogspot . fi. El ia fundi lo 23 agosto 2007.

Tuuri ia gusta promove la popla finsce e cura de beneficas de lo. El ia es un netsi* como me, ma ia have la tempo per fa cosas de tota tipo en sua vive, ance bon. El ance ia es plu vea ca me.

Me pensa, ce lo es noiante, ce on no have un paje sur el en Vikipedia.

En sua blog Tuuri ia have sarcasmo, ironia e boconi como amato. El ia trata multe de politica e cosas de dia. Ance el ia apare sua gatos, e on ia pote leje sur pensas de los en la blog a veses.

Tuuri ia publici en anio 2007 un novela Suomen viimeinen suvaitsematon (en LFN: La nontolerante ultima de Finland). Protagoniste de la libro sembla multe un mal om Jussi Halla-aho, acel politiciste e blogor finsce, ci come enfantes per come de matina e ance fa en sua laboreria siensal en susolo esaminas siensal par migrores. Me mesma ia leje la libro, e me regarda lo bon. Ma me ia raconta a "Tapsa" alora, ce libro ia es tro corta. Un de protagonistes en libro, presidente de Finland Tarja Halonen, no ia es en ofisia per multe anios.

Me mesma ia trova la blog de Tapio Tuuri en anio 2009, me pensa. Me ia atenta alora leje la tota, cual el ia publici en sua blog ante esta, en un ves, ma alga de los me a cualce caso no ia leje. 

Pylly (=culo (gluteos)), pillu (=cuno), Jani Toivola e Einstein ia es parolas comun, par cual humanas ia trova a la blog de Tuuri tra xercador Google. Jani Toivola ia es un ospitor, mulato e politiciste finsce en partito Vihreät (=Verdes)... Tu probable sabe, ci Albert Einstein ia es.

Tapio Tuuri ia mori 17.2.2015 rapida fratida par canser. Un de sua relatadas ia informa sur sua mori en la blog de Tapio Tuuri. La scrivedas blogal ance ia es sutraeda par sua relatada. Parte de istoria finsce cultural asi ia deveni ruinada.

*netsi es en lingua finsce un espresa spesial usada sur patriotas.

...

PS. Orijinal esta scriveda ia es scriveda en lingua finsce.

"Relijio agnostica-deiste": conselas esensal per via de vive

Conselas de esta tipo dona a mea vive sinifia:

1. Consela prima es: aseta tu.
2. Consela du es: A cada dia sufisi sua propre ansi. Vive cada dia a sua ves a la plu grande posible grado. E si lo es posible, alora no futil cura.
3. Consela tre es: es grasiosa per tota cual tu have.
4. Consela cuatro es: memori, ce tota cual tu have, es sola un empresa.
5. Consela sinco es: es relijiosa tolerante eseta de a tal formas de relijio, cual es relijiosa nontolerante.
6. Consela ses es: la metodo siential es probable un media la plu bon per furni a se informa, alora: valua la sientia.
7. Consela sete es: A humana lo no es profitable per es ofendeda o crede, ce mundo, universa, Dio o algun de dios es en deta a se. On sola dana se par imajina de tal.
8. Consela oto es: aseta lo, ce un dole es parte de vive.
9. Consela nove es: An si Dio no ta esiste, alora a humana es bon per fundi sua relata a Dio (o per esemplo a Renor de universa o ordina etical de mundo) sola a la labora espial de Cristo e no a alga, cual es sua propre, car lo es beneficante. Cadun, ci sabe esta, sabe esta.
10. Consela des es: esperia un esperia de silentia (alora: es silente), poca como cueceres.
11. Consela des-un es: fa en tua vive tal, cual es sinifiosa.
12. Consela des-du: es interna contente.
13. Consela des-tre es: no imajina, ce tu es bon, car no person, ci imajina ce el es tal, es bon.
14. Consela des-cuatro es: Oserva la vive e mundo de esterna de tempo e mundo.
15. Consela des-sinco es: aseta tua petia
    
16. Consela des-ses es: memori fa lo, cual tu fa, per eternia
    
17. Consela des-sete es: Esta nosa mundo es la sielo sola, cual esiste. E si lo no ahora pare tal, alora nosa taxe es fa lo tal entre nosa posiblias. (Esta mea inventa me ia publici prima ves en mea blog poesial (en finsce) 30.8.2020. Alora mesma me ia formi la pensa en intera.)
18. Consela des-oto es: on ta debe pensa sur cada situa tal, ce lo es un caso de oportunia per turna la situa a sua propre benefica e aprende.
19. Consela des-nove es: intende es un varia la plu bon de tu.
20. Consela dudes es: pensa, ce tu es como un gran de arena en plaia vasta de arena, e fa lo, ce granes de arena fa.
    

PS. 25.10.2020: Orijinal me ia publici esta scriveda en finsce asi.

Sur alti de humanas sur pedestal

En mundo catolica e ortodoxe on ia abitua alti sur pedestal humanas, cual ia esele en un sinifia spirital, par declara estas a santas. Me pensa, ce ata de esta tipo es nonsan. No otras ca los, cual es declarada a santas, a cualce caso pote vive un vive santin, an si algunes es en esta manera altida a modeles etical. 

Humana no es sola "corona de tota creada" ma el es en sua biolojia un animal entre otras. Sua serebro e mente es creada par la prosede biolojial nomida evolui, como los de otra animales. Esta fato no es sutraeda par lo, ce humana es comparada a otra animales enorme bon o an plu bon per crea cultur. Natur no crea santas.

Eticalia on debe oserva ance de un motiva la plu interna de humana. No humana es bon par intende a tal, par atenta par sua volunta es bon. Si un humana atenta es bon, el longo tempo va es deludeda a se.

Si alga humana es bon, el es lo nondepente de atenta de esta tipo. No humana, cual regarda se bon, es tal.

Lo pote ance es, ce santas en realia no esiste.

German Martin Luther (1483-1546), cual par acaso ia inisia luteranisme, no contra rumores vasta sperdeda par fato ia suporta libria de un cristian, ma lo, ce autoria, spesial autoria de tipo de Luther, ia have par fato un direto per prescrive de relijio de renadas. Luther ia ance es nonamin a judis, supra tota par causa de lo, ce estas ia regarda se un popla elejeda. A cualce caso lo es como un fato lejerinte asi, ce antisemitisme de Luther ia es como de muslimes fundida a relijio, no a raza, no como Adolf Hitler, ci ia vive a pos. E Luther e profeta Muhamad, cual om ia constitui islam en sentenio 7, ia fini la nonaminia pronto cuando iudi ia converti a "bon crede". Ma esce no cristianes, como muslimes, ance have un pensa similin sur lo, ce los mesma es un popla elejeda de Dio?

Martin Luther King (1929-1958) ia froda sua sposa sempre cuando posible.

E si nos reveni a La eglesa catolica, alora ta ce nos prende madre Teresa (1910-1997) a un esemplo como fece de acel loca entre santas. El ia es culpada par causa de sobornia, mal grado de la trata povral par sua organiza e bon relatas a autocratas de paises diferente. Jeneral on pote dise, ce el ia usa en modo multe mal la donadas resetada par sua organiza. E lo pote es, ce esta no ia deriva de lo, ce el ia ta es stupida o bobo.

Ta ce on nota en fini profeta Muhamad, ci on regarda entre islam como un gardor nonerante de crede oce e un model eterna de manera oce de vive. Esta ia fundi un relijio la plu nontolerante en mundo. Profesor de lingua arabian e rexercor de islam Jaakko Hämeen-Anttila pote, si el vole, atesta, ce profeta Muhamad es en islam un carater santa.

Ance santas de nonrelijiosas es nonperfeta. Vladimir Iliitsh Lenin, cual ia es altida un  autoriosa nonerable, ia es tota otra ca santin. Par fato el ia es un teroriste statal.

On vera pote opina variable sur eras etical, sur cual me ia parla. Ma me vide, ce tota tal alegas en area de etica, en cual on dise, ce alga es coreta e otra mal, es siential nondemostrable, alora on pote opina cualce sur los. Me mesma suporta en estas cosas la etica de segue.

I PS. Si algun es ancora en esta fase interesada par mea opinas political sur etica plu jeneral, me suporta stato de lege, libria de dise, direto per un autodetermina nasional, un libria religiosa, la opina de la valua jeneral e humana, la proibi de punis cruel e noncomun, democratia, egalia ante lege, humana-fasosa nasionalisme, un metodo siential, nasionalisme global, un rena secular,  libria comersial, la imposta bifasal per intercambia de mone par Tobin e Spahn e formas diferente de democratia direta.

II PS. Orijinal me ia publici esta scrive en finsce asi.

...

III PS. 9.10.2020: Me ia ta debe trata asi ance Adolf Hitler, la santa de nazis.

Du sinifias diferente de demanda finsce "Kynsitkö?"

– Kynsitkö sinä Taavetti jo pellot?
– Pi... pitäisikö?
– Totta kai!

En un banda de cartunes Fingerpori de Pertti Jarla la padron demanda de sua laboror Taavetti un demanda.

Comica asi es lo, ce la demanda "kynsitkö?" sinifia en lingua finsce du cosas diferente. E Taavetti natural malcomprende la demanda.

Asi es la du traduis diferente:

Kynsitkö sinä Taavetti jo pellot? =
Esce tu Taavetti ja ia aradi campos?		Esce tu Taavetti ja ia rasca campos?

E Taavetti responde: "Es... esce me ta debe?"

Alora la padron dise: "Natural!"

A pos Taavetti va vade rasca campos. E el nomi en sua mente la padron demente.

Esta nosa mundo es sielo

Me ia ja per longa tempo opina, ce me have no causa per crede a esiste de la sielo ultravival. A pos me ia dedui, ce esta nosa mundo es la sielo sola, cual esiste. E si lo no ahora pare lo, alora nosa taxe es fa lo a tal entre nosa posiblias.

PS. Orijinal me ia publici esta en finsce 30 agosto 2020.

Winston Churchill e nazis moderada

Winston Churchill no ia sola oposa un campi consentral, ma el ia vole ance impedi nazis moderada de pratica la politica de los.

Algun ia dise esta alga ves.

Aventuras de un om lingual e demente

Me have en tal manera mal capasia lingual, ce me mestri de linguas natural-naseda plu o min sola engles. Otra linguas natural, cual me ia studia ma de cual studia es forte en media o comensa, es svensce, rusian, german, castelian, franses, latina e italian.

Esperanto es developada par polsce-iudi L. L. Zamenhof per es un lingua internasional e aidante. Lo ia es publicida en anio 1887. Gramatica de esperanto me ia mestri perfeta, car lo es multe fasil aprendable.

Como plu joven me ia studia la funda de esperanto. Me ia promove idea de esperanto o lo, ce on ta debe have un lingua nasional neutra, cual ta es un lingua prima a nun e cual humanas ta pote usa en relatas internasional e jeneral cuando los conversa con humanas de linguas diferente e prima.

En strutura esperanto a grado xef es ueste ma un lingua multe simple de cual vocabulo es derivada supra tota de engles e otra linguas germanica e romanica e latina. Fonemes de lingua es multe slavica. On ia dise, ce strutur de lingua ia reseta influe an de xines.

En fini a me a cualce caso ia clari, ce en esperanto es cualias, cual ofende me. La plu importante ia es la xovinisme sesal e la artifisia suprabundante de esperanto.

Me ia vaga alga otra linguas desiniada per es linguas internasional e aidante. Supra tota asi ta es notada ido, Lingua Franca Nova e interlingua. Ido es un varia de malnomida esperantos bonida. Lo ia es publicida par Louis de Beaufront franses en anio 1907. Lingua Franca Nova es en sua gramatica un lingua demente multe simplida, publicida par american George Boeree en anio 1998. Esta lingua ia reseta sua model de strutur e idea de malnomida linguas creol.

Linguas creol es aceles linguas natural, cual es developada de linguas pijin. E linguas pijin es tal linguas, cual ia nase natural via developante par nesesa de comunica de humanas, cual parla linguas diferente. Linguas pijin have un natura de un lingua aidante, o los es en strutur multe multe simple e en vocabulo limitada. A linguas pijin la es comprendeda rapida es plu importante ca sutiles de lingua. Jeneral en linguas pijin esiste un materia dominante, cual ia veni de un lingua, ma esiste ance tal linguas pijin, cual es linguas autentica miscada.

E interlingua es lingua, cual linguistes ia completi plu o min en anio 1951. Esta lingua multe sembla linguas natural o en esta caso formas inisial de linguas romanica, ma lo es a cualce caso en strutur plu simple a alga grado. Interlingua es comprendable a alga grado par parlores de linguas romanica de oji.

Alora en fini me no ia aproba plu esperanto como un lingua internasional e aidante. Ido me ia restrinje par causa de sua artifisia suprabundante. Me pensa, ce Lingua Franca Nova me ia restrinje par causa de lo, ce a me lo ia senti un lingua tro simple. Ma en acel tempo no ance ia esiste multe de materia de lingua.

Interlingua me no ia aproba per la plu par causa de lo, ce en lo ia es en manera de linguas romanica e linguas noncontable otra indoeuropean du pronomes el per sinifia humanas o esentes de sesos diferente. Me pensa, ce du pronomes el es un sinia de mal state orijinal de la seso fema en cultur e me regarda lo ance un cualia demente en lingua.

Me ia es en cambia de anios 2006 e 2007 visitante la casa de mea peti-frate plu vea e sua sposa de tempo en urbe Espoo. Nos ia parleta e consuma bevables alcolosa. Plu prosima de medianote me ia cexa a hospitores sur mea problem de trova tal lingua, cual es developada a un lingua internasional e aidante e cual me mesma ta pote aseta. Estas ia consela me mesma per developa lo. Me ia aseta la desinia, e pronto pos ce me ia ariva a mea casa, me ia comensa developa la lingua nova.

Me ia pensa, ce me constitui mea lingua sur latina. Me ia compra libros de latina de mea poca mone e ia afonda me a studia de la lingua. Entre tempo a me lo ia evidenti, ce en ajunta a lo, ce la gramatica de latina es de ano, alora ance la vocabulo de latina difere a grado stonante de vocabulo de linguas romanica. Linguas romanica es developada de latina parlada par la popla comun, no de latina parlada e pedanta regulada par nobilia. En fini me ia conclui, ce me es sur rua sin sorti con construi de mea lingua. Me ja en comensa ia ta nesesa un ecipo terorinte capas per aida me.

A esta fase me ia fa un deside noncoreta. Me ia deside basi mea nivel esijal e developa de esperanto clasica de Zamenhof un varia plu bon.

Me ia pensa, ce a nom de mea lingua nova ta veni "tomante", ma alora me ia persepi, ce la terma sinifia en lingua castelian un homosesal. Me ia recambia nom a "tomale". Me ia fabrica un pajeria ueb per mea projeta. Mea ami Auli, cual es par sua profesa presedente un ensenior de svensce e engles, ia aida me per tradui mea projeta a engles. Me mesma ia tradui mea projeta a esperanto clasica. Alora mea pajeria ia es trilingual, cuando como lingua tre o prima ia es finsce. Me ia furni per me ance un nom dominal tomkarna.fi, e publici mea projeta en acel adirije en interrede en comensa de anio 2011 (lo no es trovable ala ahora).

A alga fase me ia es ofendeda par lo, ce mea tomale no segue mea ideal de lingua aidante. Pos ce me ia remastica la cosa per menses, me ia reserva la lingua, cual me ia aveni. Me ia persepi, ce me ance no gusta la fonemes slavica e la orijina diversa de mea lingua.

A pos me denova ia vaga lo, como lingua es interlingua. Car me es noncomun, me ia deside developa ahora tal lingua, fundida sur interlingua, cual ta coresponde plu bon ca tomale mea ideal lingual. Ancora me masima ia es ofendeda en interlingua par lo, ce en lo esiste du pronomes el per refere humanas e esentes de sesos diferente.

Me ia studia interlingua, e entre tempo a me ia clari, ce como un lingua interlingua es tro complicada. Alora me ia familiari en anio 2014 denova a Lingua Franca Nova, e a esta ves me ia es oseseda par lo. Lo ia dura a cualce caso mera alga tempo asta me ia persepi, ce ance en esta lingua es cualias, cual ofende me. Ma min ca en otra tal linguas, cual es desiniada per es linguas internasional e aidante, a cual me ia familiari a ante.

E en seguente en esta testo on vade a alga grado rapida rapidia a fini.

Me ance probable ia crea un gramatica de Lingua Franca Nova en finsce prima plu o min brava en la tota mundo. Pos lo me ia tradui, fa, composa e compila per la plu fundante a un gramatica de interlingua scriveda en engles la gramatica prima sufisinte perfeta de interlingua scriveda en finsce en la tota mundo.  Me ia completi lo 17.6.2015.

Alora tota ia comensa vade plu mal.

Me ia converti en fini promove novial a un lingua internasional e aidante. Novial es un lingua developada e en anio 1928 publicida par Otto Jespersen dansce, e lingua ia reseta multe de afetas de engles. Ma lo es plu razonante ca engles. Me ia scrive prima a alga grado perfeta un gramatica de novial prima en finsce e a alga grado perfeta en mundo e entre tempo me ia reali vocabulo novial-finsce de min ca 10.000 parolas o espresas.

Me ance ia developa mea propre varia plu o min editada de novial.

Me ia crede, ce mea vive es perfeta. Ma en otobre de anio 2017 a me ia clari, ce me ia promove interlingua per un lingua internasional e aidante. Con peti cambias.

Riable. Completa riable.

Ma alora lo ia comensa vade con me plu mal. Sirca un anio pos la cambia ultima de mente me ia deside, ce me ia promove novial.

E pos esta, sirca momento de medianote de 21 e 22 novembre, en anio de Senior 2018 me ultima ia dedui, ce me promove Lingua Franca Nova, lingua, de cual nom es plu familiari elefen.

Mea cambia de mente ia deriva de lo, ce en elefen esiste un reserva plu vasta de parolas per usa. Per on no nesesa en modo tan multe torse de vacua nara, como lo ia es cosa con novial. E la cuasi simplia asoluta de lingua per se ia atrae me.

Me ia pensa alora:

Ma car me, cuando me ia fa estas mea joglas a grado tro multe en mea vive, alora me retrosede a mea cava e no va parla con cualce sur estas cosas per menses. Si algun no demanda. Ahora me vade a via.

Gramatica de elefen en finsce on trova oji como brava ance a otra loca en ajunta a mea pajeria, asi. Acel es par fato un varia multe rigorosa.

Cual tota me ia gusta en elefen:

Esta vera es autoevidente en linguas internasional e artifis e aidante, ma en elefen no esiste jeneros de sustantivos, e me ia gusta lo.

Me ia gusta lo, ce la lingua es par natur como un lingua natural.

Me ia gusta lo, ce la lingua es plu simple ca interlingua.

Me ia gusta lo, ce la sistem de verbos es sever simple comparada a sistemes de verbos de linguas la plu importante e natural e romanica.

Me ia gusta lo, ce la lingua es asoluta fonetical.

Me ia gusta lo, ce C es pronunsiada sempre como [K].

Me ia gusta lo, ce en la lingua ajetivos frecuente fini en letera A.

Me ia gusta lo, ce la regula sur loca de determinantes ajetival es multe simple.

Me ia gusta lo, ce en la lingua no esiste coda -iv-. En loca de lo on usa la presente de partisipio.

Me ia gusta lo, ce la  strutur interna de parolas de lingua es simplida en esta manera:

no absoluta ma asoluta
no existe ma esiste
no lecto ma leto
no perfecta ma perfeta
no sector ma setor

Me regarda la lingua como stilosa.

Me ia gusta lo, ce en la lingua la deriva de parolas es relativa simple.

Me ia gusta lo, ce en la lingua on pote usa mesma verbo como e un verbo transitiva e nontransitiva.

Me ia gusta lo, ce en la lingua un antonim direta es espreseda par prefisas des- e non- (anteultima per verbos e ultima per ajetivos).

Me no ia es iritada en la lingua a grado grande an par sua tende per evita consonantes duple.

Me ia gusta lo, ce lingua ia produi a me pasion.

Ma Lingua Franca Nova no es lingua perfeta.

Me ia proba de tota tipo con lo. Ultima en septembre de anio 2019 me ia deside, ce mea ama a novial es nonresistable. Me denova ia scrive regulas per mea mesma "dialeto" de novial.

Ma la labora developal de novial ia resta a alga grado en media. A multe cosas no esiste en novial parolas a cualce caso ofisial e confirmada. Esta ance es en la lingua la plu mal, ce en lo esiste tro poca parolas per nesesas de la vive vera.

Ultima me ia deside, ce me va conserva un parte major de gramatica de novial, ma me va prende parolas per lingua de interlingua.

2 desembre me ia imajina formi mea lingua en un modo vidable plu interlingua semblante, car spesifada pur-liniosia plase me.

...E tal lo ia alora aveni, ce 2.3.2020 me denova un ves ia deside reveni a "cliente" de Lingua Franca Nova. Con peti cambias, cual intera me ia en esta ves redui a la plu posible peti.

Mea intende es ahora segue un proverbo engles (=en lingua engles) e vea "ceep it simple, stupid!" ("manteni lo simple, stupida!"). Me crede, ce me ahora pote valua tal disposa.

Me ia persepi, ce me no anela multe acel latinosia per mea lingua. E Lingua Franca Nova es a tota lados simple, alora me no nesesa cura fronsidas de tota mundo, como ia es con interlingua. Ance formi de parolas es en LFN plu fasil.

Me aseta oji en elefen ance acel cualia, ce en lingua on no distingui clar entre un dirije e loca.

En comensa de anio 2022 on va alora vide, como la labora ia flue. Plu corta tempo no va sufisi.

Me no ia raconta asi parte de la fases ultima de mea projeta. Mera la plu importante inclui.

Un cambia la plu ultima ia aveni en otobre, cuando me ia edita mea varia a plu semblante a LFN clasica.

...

PS. 13.9.2020: Orijinal esta testo ia es publicida en mea esta blog scriveda en finsce.

...

PS. 12.10.2020: Pos publici de esta scriveda me ia cambia poca esta.

...

PS. 11.7.2023: En un futur distante me va usa folksprak, cual es un lingua aidante e germanica, cual on ia, va e ahora construi.

Cual es conservalisme

Conservalisme es un ideolojia political. Lo honora relijio e tradision e supra tota aceles autorias, cual conveni a se. Conservalisme relata critical a la pensa de humana como bon esente.

A nom de la ideolojia parteni lo, ce conservalisme intende conserva tota bon. Conservalisme abandona un revolui e suporta tal cambias gradal, cual on pote regarda razonante, entre la sosia e sistem esistente. On pote presenta esta par duple de antonimes:

evolui <> revolui

Alga veses conservalistes pote ance intende restora la sistem, cual ia domina a ante.

A otra lado conservalistes pote presenta, ce alga veses lo es bon per acorda a reformis, afin on pote salva un cuantia la plu grande de bon en la sosia. On pote ance regarda como conservaliste acel prinsipe, longo cual en politica on debe sempre intende per lo, ce de desides political no segue sin intende alga mal o nosiva.

Longo conservalisme on debe cura min fortunosas. A la otra lado a la defini de ideolojia no inhere lo, a cual grado brava e efetosa esta cura debe es.

Conservalisme ia esiste entre istoria de multe tipo. La plu mal lo ia es un caso de un crede estrema conservaliste, cual abandona libria relijiosa, presa min fortunosas a su e governa par teme. A la otra lado conservalisme pote ance acorda con valuas democrata.

En la discute political ia causa un confusa lo, ce de desenio 1930 on ia en la Statos unida de America nomi libralisme progresistia o sinistrisme de tota tipo. En la pais "conservalisme" e "libralisme" es representada como antonimes de la un la otra, cual los no es longo la defini orijinal.

...

PS. 13.9.2020: Orijinal me ia publici esta testo en finsce en mea otra blog.

Nasionalisme debil e nasionalisme forte

La funda de nasionalisme es en direto de autodetermina nasional, cual es ance un prinsipe libraliste.

A nasionalisme ance inhere un pensa de direto de popla a cultiva, developa e proteje sua cultur. A nasionalisme inhere ance un pensa sur direto e obliga per fa politica longo la benefica de la popla.

Si un tipo de nasionalisme es sola de esta tipo e a lo no inhere un contradise prinsiposa de la dinia humana de otra poplas e etnicos, lo es un caso de un nasionalisme humana-fasosa. Me mesma con plase ta nomi lo nasionalisme debil.

Per esemplo poca conoseda nasionalisme global representa nasionalisme debil. Cualcun pote trova en sua pais partitos o organizas, cual ance representa lo.

Per esemplo en istoria de mea propre pais Finland nasionalisme debil ia representa acel humanas, ci ia promove un velia nasional, acel finsces, ci ia promove egalia entre linguas finsce e svensce, e acel finsces, ci no ia odia de profonda de sua cor rusces par causa de ruscia de rusces ma ia promove la desdepende de Finland de Rusia.

On ance have nasionalisme de otra tipo. Tal, cual de prinsipe es pronto per sacrifia otra poplas e etnicos per un benefica suposada de propre popla. Nasionalisme de esta tipo no suporta la pensa sur dinia humana identica de tota humanas, donce lo es un caso de un forma patolojial de nasionalisme. Me nomi nasionalisme de esta tipo nasionalisme forte.

Nasionalisme forte es representada en mea propre pais Finland La promove resistal norde, cual representa neonazisme.

En istoria presedente nasionalisme forte ia representa la plu bon Partito german e nasional sosialiste de laborante popla e Germania nazi governada par lo. Fasisme de Italia on pote ance regarda como esemplo de nasionalisme de esta tipo. An si la ideolojia ia adora stato, no popla e un erita de sangue, alora Italia de Mussolini a cualce caso ia ataca en anio 1935 en Abessinia e ocupa pais, e en anio 1938, seguente esemplo de Germania nazi, Italia ia esecuta un anti-iudi legi. E lo an ia ataca en Helas en anio 1940. Espania de Francisco Franco es ance un esemplo moderante bon de nasionalisme forte. Estra tota otra en Espania de Franco on ia proibi la parla de linguas minorial.

...

PS. 13.9.2020: Orijinal me ia publici esta testo en finsce en mea otra blog.

Cueceres e cuecerisme

Un ramo cristian relijiosa La sosieta relijiosa de amis ia nase en sentenio de 1600 en England. Lo ia nase como un protesta contra un asentua forte de formas relijiosa. Membros de la promove ia es burlada tremores, engl. quakers, e esta ia es nom du de la promove.

La promove de cueceres asentua un pretia jeneral de credores, e lo, ce grasia de Dio no es liada a medias vidable de grasia. Silentia es parte de manera de rituo de cueceres: lo es media per escuta "la parola interna". Cueceres ia valua e valua ance ahora pas e nonviolentia, comuniosia, egalia e simplia e un vive modesta.

Un proteje su lege de cueceres en England ia es mal ance par causa de lo, ce longo la ensenia de La atesta nova los ia refusa de jura en corte.

Cueceres par causa de persegues relijiosa entre sentenios frecuente ia es forsada familiari a prisones de interna, e par causa de lo los ia es campiones per boni situas en prisones.

La corona de Britania grande ia es en deta de un soma grande de mone a la padre de cuecer nomida William Penn. Par causa de lo en anio 1681 re Charles 2 ia bondona feudo a Penn de la America norde. Esta ia dona la area, cual el ia reseta, a sua en crede persegueda frates e sores. Par esta ia nase Pennsylvania. En Pennsylvania ia domina libria perfeta e relijiosa, cual ia es un cosa completa strana e en Europa e en otra locas en colonias brites en la America norde.

Cueceres ia ance condui bon a indianes american. Los no ia intende forsa sua propre credes e valuas a indianes, ma los ia es preparada per aprende de estas.

De sentenio de 1800 la promove de cueceres ia divide a suramos. Oji alga cueceres an nega lo, ce cuecerisme (o sua propre cuecerisme) ta es un promove cristian.

Cuecerisme de oji on pote conta a suramos longo lo, esce es en rituos de los ance otra program ca un silenti jeneral, e longo lo, esce ramo es conservaliste o libraliste. Conservaliste asi sinifia un cuecerisme plu tradisional e cristian, e libraliste lo, ce ramo no es par fato liada a la crede cristian.

En anio 1947 organizas aidante de cueceres de England e la Unida statos ia reseta la Premio pasal de Nobel de sua labora de modera destruis de gera.

Me ia partisipa sola un ves a rituo de parocia de cueceres. Esta ia aveni multe anios ante ahora. Lo ia es un caso de un parocia libraliste de cueceres.

Me pensa, ce me valua cuecerisme en partes. Simplia de cuecerisme apela a me. E lo, ce cueceres ia valua relijiosa tolera ja longa tempo ante lo ia es modosa. A otra lado me aproba sin restrinjes un servi militar, e parocias cueceral es plen de pasistes.

A cualce caso oji me debe confesa, ce supra tota otra me senti, ce me es un cuecer moderna de alga tipo...

...

PS. 13.9.2020: Orijinal me ia publici esta testo en mea otra blog en finsce.

Kamala Harris

En esta anio 2020 en novembre va es elejes presidental en la Statos unida de America. On va have du aspirores per la ofisia: presidente-en-ofisia Donald Trump de La partito republiciste, e Joe Biden de La partito democrata.

Presidente Trump va probable eleje sua vispresidente-en-ofisia Mike Pence a conaspiror per la periodo nova.

Joe Biden ia avisa, ce el ia eleje Kamala Harris a conaspiror per vispresidentia.

Nom Kamala es par fato ance un parola en mea propre lingua finsce. Parola sinifia terorinte, xocante, deplorable o asustante.

Perce puntos sinifia en lingua finsce

Näinkö väärin?
  – Esce me ia vide noncoreta?

Nainko vaarin?
  – Esce me ta debe sposi avo?

Afeta de Dio en mundo

Si Dio afeta en mundo en acel manera, ce on no pote deteta lo, on no deteta lo. E si on no deteta lo, lo no ia aveni entre nosa orizon persepal. E on no pote rexerca lo. E si on no pote rexerca lo, lo no inhere en area de siensa.

Raimo Suonio en grupo de Usenet sfnet.keskustelu.evoluutio 17.8.2009 (orijinal en lingua finsce)

"Mense putrida" en Finland

De 17 julio asta 17 agosto esiste en Finland mätäkuu. Esta parola sinifia "mense putrida". Lo sinifia, ce entre esta periodo comeda putri, lete coagula e feris es infetada en modo fasil.

Par causa de esta, ance esiste un proverbo finsce. On parla sur naras de la mense putrida, cuando alga person nara esajerante sur alga cosa, per esemplo sur longia de pex, cual el ia pexa.

Un espresa finsce con du sinifias diferente

Un espresa "viinintuntijoiden suosima" sinifia en lingua finsce du cosas diferente:

viinintuntijoiden suosima =
prefereda par espertas de vino	o	idromel pantanal de (=posedesa par) espertas de vino

El ia dona a me un vista political: nasionalisme global

Jaska ia raconta en sua blog Jaskan pauhantaa en anio 2017 sur terma e ideolojia, a cual el indica con lo. Sua inventa es nasionalisme global. Me presenta mea propre interprete sur la cosa asi:

En nasionalisme global lo es caso de nasionalisme o supra tota de acel pensa, ce cualce popla de prinsipe have direto a autodetermina. Stato nasional es un unia natural, statal, cultural e sosial. Lo es un strumento de razona, de cual razona es per promove flori de propre popla. Global-nasionalistes es per sua popla, car si los no fa tal, alora ci fa?

En la ideolojia lo es un caso ance de lo, ce si on migra a otra pais, alora on debe respeta la pais resetante e la humanas en lo.

Nasionalisme global no relata a otra nasiones, poplas e grupos etnical de prinsipe en modo enemin. Cada de estas have sua propre autovalua. A global-nasionalistes lo es natural colabora con otra paises e poplas e spesial global-nasionalistes de los e partitos de estas.

Esta sinifia ance lo, ce nasionalisme global rejeta formas la plu patolojial de nasionalisme.

Nasionalisme global no a cualce caso regarda tota valuas, sistemes valual e cultures egal. Lo no promove un relativisme valual.

Ance en la ideolojia lo es caso de lo, ce on regarda, cual cosas es bon en otra locas e aplica lo entre oportunias en sua propre pais.

Longo nasionalisme global un migra debe es permeteda sola, si la sosia resetante aproba lo. A gluti de migror on have un permete per e debe interveni. O on vive brava o... a estra de pais. Si e cuando on teni ance esta prinsipe, nasionalisme global ance posibli un compete pasosa entre paises, poplas e cultures.

Jaska ia vesti parolas e ia termi la ideolojia, cual me mesma ia promove. En esta manera el como si ia dona a me un vista political.

...
PS. 3.7.2020: La varia orijinal ia es scriveda en lingua finsce.

50 anios ante ahora

Oji es mea aniversario de nase.

Nos cadas have nosa comandas

Comandas, nos cadas have nosa comandas. Lo es alga, cual tu no an comprende; tu pensa, ce "vade a leto temprana" es un comanda, "limpi tua sala" es un comanda. Comandas dur... aceles es los, cual tu descovre a pos. Un comanda per abandona tua amis sur campo de gera, un comanda per mitralia a debiles, persones sin fortia. Mea comandas – mea comandas ia es per preveni narnes de usa la gera per constitui relatas plu prosima con humanas. Mea spiores ia descovre sur mision a sistem Epsilon; nos ia suposa, ce lo ia es un barconi de armas, nos no ia sabe, nos no ia pote sabe, ce esta ia es un atenta per fini la gera. E alora me ia dona un comanda per interveni los. Fabricor grande pardona me!

-Londo Mollari

Estate ia es enfernal

Estate de anio 2018 ia es calda como en enferno. Estate de Finland es conoseda par sua variablia. Alga veses lo es fria, a otra veses lo es plu alga calda. A veses lo pluve plu, a otra veses min o a no grado.

En estate de anio 2018 tempo ia es simple calda. En lingua finsce tal temperatur, cual es a la min 25 grados de Celsius, on nomi helle. En acel estate ia esiste helle de helles.

En 16 julio de 2018 Donald Trump, presidente de La statos unida de America, e Vladimir Putin, presidente de Rusia, ia encontra lunlotra en Helsinki, la capital de Finland. Los ia partisipa en esperia de la estate finsce. Tal ia fa ance multe jornalistes stranjer.

Alga persones ia pote alora mervelia, ce vera, esce la estate finsce es sempre como lo. Me dise, ce lo no es tal.

Alora me ia sufri multe. Sempre denova.

Ance la natur finsce ia sufri.

..Ia esiste multe dias como esta.

...Lo ia es enferno.

Curdes, Rojava, comunalisme e nasionalisme

Cosa de curdes es denova entre moldur, cuando Turcia islamiste ia ataca contra curdes de Siria en anio ultima. Soldatos de Turcia es an ala oji.

Curdes de Siria ia constitui sua propre rejion seminondependente en la parte norde este de Siria. La rena autocrata e cruel de Siria ofisial no gusta lo. E no ance Turcia.

Rojava es un caso positiva en mar cultural e fecal de Asia sude ueste. En Rojava es en usa un model statal, cual es construida de basa a alta. Lo es un tipo de ibride de praticas de un democratia parlamental e democratia direta. Ala on segue tridivide de potia: potia de legi, potia de esecuta e potia de judi es nondependente de lunlotra. Egalia de sesos es regardada en la rejion, car a organos diferente governal esiste un  cuota sesal de 40 persento. Ance grupos etnical have sua propre cuotas. On have cuatro linguas ofisial. Parte de soldatos de Rojava es femes.

On pote nomi e on ia nomi ante ahora la ideolojia promoveda par curdes de Siria comunalisme.

En alga loca uebal e finsce on alega, ce comunalisme regarda nasionalisme como un venena. An con estas curdes de Asia sude ueste a grado multe vasta promove a sua popla propre stato nasional o a la min los vole gania un autonomia nasional entre paises de esta rejion masosa. Estas humanas pensa nasional.

Final me raconta sur la democratia direta usada en Rojava. En la nivel local abitores asembla a asemblas fa-desidal. Estas fa desides sur cosas local. Los ance eleje delegadas a seguente nivel. Asemblas sur seguente nivel fa desides e eleje delegadas a seguente nivel. Etc. Asta on es sur un nivel la plu alta, do on fa desides sur cosas de la tota Rojava.

Me dise, ce a la min en Rojava es un prinsipe valida political de visinia, cual es importante sur nivel de pensa en La uni european.

Me amira ance la forma de la direta democratia usada en Rojava.

...
PS. 22.6.2020: E mesma en lingua finsce: Kurdit, Rojava, kommunalismi ja nationalismi, osa 1, e: Kurdit, Rojava, kommunalismi ja nationalismi, osa 2.

Ci nesesa un sensura?

Mera tirania nesesa un sensura.

testo en un bandera entre protestas antisensural en junio de anio 2009 en Germania

A me ensenias la plu importante de Biblia

A me ensenias la plu importante de Biblia cristian es seguentes cuatro, cual cadas on trova en La atesta nova:

Iesus ia ensenia, ce lo es plu difisil a un person rica asede a la rena de Dio ca camel vade tra un anelo de ago. Disiplos ia seguente demanda de Iesus: "Alora esce no cualce person pote es salvada?" Iesus ia responde a los: "Cual es nonposible a humanas, es posible a Dio." Si un humana crede, ce el pote muta se a moral, alora el malpersepi.

Un ensenia de Iesus en la predica montal: A cada dia sufisi sua propre ansi.

Un ensenia de Iesus en la jardin de Getsemane, cuando on ia veni per prisoni el e un disiplo de el ia colpa de lace de arciprete un orea a via. Iesus ia sani la orea e dise: "Ci prende un spada, el afoca a un spada." Longo mea comprende Iesus ia ensenia asi, ce el e sua ensenias on no debe sperde o defende par armas.

La ensenia de Iesus en la predica montal: Un humana debe trata otras como el espera otra humanas trata el. Car un humana es, cual el es, alora lo es difisil vive rigorosa longo esta regula. Ma esta ideal ia have a cualce caso sua afeta a cultur. Me crede, ce no plu un burocratia protestante o stato sosial ia ta nase de cultur, en cual lo ia ta manca un conose de esta regula.

...
PS. 22.6.2020: E mesma en lingua finsce: Minulle tärkeimmät Raamatun opetukset.

Historia de mea vive spirital

Me ia presenta en anios ultima un tende per nonrelijiosia. E cuando la situa ia grandi en estate de anio 2019, me ia debe pensa ance la entera de Iesus en desenio de 30.

Lo es a me multe difisil relata en tal manera, ce Iesus no ia ta revive. Lo es multe difisil pensa, ce tempora "caseta comun de polvo" ia ta putri e destrui como tempora "caseta comun de polvo" de otra humanas.

Me raconta en seguente un tota raconta de mea vive spirital:

Me ia nase en anio 1970. Mea jenitores ia parteni a La eglesa evanjelial lutheran ofisial de Finland, ma los no ia es a alte grado credores.

Jenitores de mea padre ia es en alga manera credores. Me ia abita con mea jenitores e peti-frate prima en mesma construida con los asta lo, cuando me ia have 8 anios.

Como un adolesente me a la min de prinsipe ia regarda cristianisme como un bon cosa, ma consernante lo me ia es a alga grado noncoragosa. Me ance ia vade a scola eglesal corta, nomida "rippikoulu" en finsce, an si un anio pos mea cameradas scolal, car me ia a ante oblida enscrive per lo.

Me ia comensa have entre tempo pensas multe prejudosa. Ance mea propre pecosia ia angusa me. De esta me ia es salvada en anio 1993, cuando me ia have 22 anios, par dedui de la cosa fundal de cristianisme. Esta cosa fundal ia es seguente: Humana es salvada, cuando el abandona la tota de sua propre posiblias e sua propre atentas per sufisi a Dio e vive moral bon vive, e a mesma tempo fundi sua relata a Dio sola a la labora espial de Cristo. La spirito sancte ia veni en me. Corta diseda esta veria es: "Dio esije de humana no."

Mea dedui ia aspeta es a acel grado contra la manera natural de pensa de un humana, ce me ia esperia, ce lo es un labora de Dio. Spesial, cuando a lo ia inhere ance un afeta fortial de Dio. A me lo ia pare stonante, ce Dio vera esiste, e lo no mera es un caso de relijio. "Me dise!"

A mesma tempo, cuando me ia dedui la cosa, me ance ia comensa opina, ce no esiste (o va esiste) la tormenta eterna en enferno. Mea opina nova sur tormenta en enferno ia deriva de dotor de teolojia T. P. Virkkunen, de ci libros relijial psicolojial me ia leje a ante e de ci me ia reseta sabe, ce longo instrui la plu comun de La atesta nova algunes asede a sielo e otras cade a defeta. O no esiste e va esiste la eterna tormenta en enferno.

Dedui de la cosa fundal de cristianisme e leges de La uni european ia posibli un proba de bires diferente.

Dedui de fundal cosa de cristianisme ia dona a me ance un "spina dorsal" filosofial. Me vera ia intende vade realia presedente.

En anio 1995 me ia comensa vade a Parocia libre de Vantaa, cual parteni a La eglesa libre de Finland. Esta es tal eglesa libre o en relata a la potia publica un congrega nondependente, cual es en sua pratica de relijio e crede en media de La eglesa evanjelial lutheran e ofisial de Finland e Helluntaiherätys. Helluntaiherätys es un congrega pentecostaliste. O como un mea sore-en-crede ia alora dise: "Nos es como pentecostalistes ma plu razonante."

An si longo crede de La eglesa libre de Finland un batiza no es nesesada, me ia solisita, ce on ta batiza me. E me ia es batizada.

Me ance ia have relatadas pentecostaliste, ma me ia a alga grado evita Helluntaiherätys e ance La eglesa evanjelial lutheran ofisial de Finland. Alora La eglesa libre de Finland ia conveni a me multe bon. En comensa.

Me ia have tal vista semilibraliste sur Biblia, ce lo no es parola de Dio, ma lo conteni parola de Dio. Vera esta no ia es mesma como la vista de La eglesa libre de Finland, cual es plu conservaliste.

Un otra mea sore-en-crede un ves ia dise sur me, ce me ta es un agnostica, si me no ia ta dedui la cosa fundal de cristianisme.

Lo entre tempo ia comensa irita me, ce de plataforma de predica on frecuente ia refere a la tormenta eterna en enferno. En ajunta me ia es iritada par causa de otra razonas. Pos ce me ia es dui desenio como un membro de La eglesa libre de Finland, me ia resinia de la eglesa.

En me ia ante ahora nase un nonpardona a Dio, car Dio a ante ia dona a me tan poca. Ma me a cualce caso no ia vole abandona Cristo.

Pos un tempo longa, en primavera de anio 2016 me a cualce caso ia veni a resulta, ce de prinsipe on pote regarda la labora espial de Cristo sola como un ipotese laboral. Me sinifia lo, ce pos lo no nesesada es un Dio atante, ma lo pote sola es un caso de un fenomeno psicolojial e bon-fante.

 

De estate de anio 2019 me pote abri a La spirito sancte sin Cristo en la media.

...
PS. 22.6.2020: E mesma en lingua finsce: Hengellisen elämäni historia, kun nyt on kerran joulukin.

Mea pensas sur sosialisme, promove laboriste, Marx e marxisme

En la tempo, cuando la industri ia nase, con lo ia nase ance la clase de laborores. A ante acel popla laboral, cual ia a ante esiste, ia es sperdeda, ma ahora los ia es asemblada a fabricerias e a mesma distritos de urbe.

Con capitalisme ance ia veni la esplota traeda par capitalisme. E par lo e defetos traeda par la industri ia nase longo tempo ance la promove laboriste. Nos pote nomi lo ideolojia de sosialisme.

Alga sosialistes inisial ia crede, ce cuando on representa bon program per boni la sosia, alora la tota de humanas razonante comensa ata per lo.

Un person german nomida Karl Marx (1818-1883) no ia acorda. En la sosia ia esiste potias forte, cual ia ata contra programes reformal de esta tipo. Estas no ta abandona sua vantajes sin batalias. Mera un revolui ta pote aida laborores. E mera par ata juntada laborores ia pote espera a alga dia liberi. Beneficas on pote defende efetosa mera juntada.

Marx ia regarda aceles sosialistes, ci ia presede el, nonpraticalistes, e el ia nomi estas sosialistes utopiste. El mesma ia crede, ce el ante ahora ia pone sosialisme sur sua pedes. El ia vole fundi sua propre ideolojia de sosialisme sur fatos persepable.

Marx ia opina, ce un critica de relijio es un pre-esije per un critica de la sosia.

Otra de obras la plu conoseda de Marx es La declara comuniste, cual el ia scrive con sua colaboror Friedrich Engels, ia es publicida en 1848. Otra es un serie obral masosa en grandia La capital, de cual volum ultima ia es publicida pos mori de Marx.

Marx ia scrive ance un cuantia grande de otra libros e libretas programal.

Libralistes no spesial en sentenio de 1900 ia aproba tal reformis, cual ia vade a tro longa. Par causa de esta la promove marxiste e laboriste ia susede en asende a un sujeto major. En ajunta de sosialistes marxiste ia esiste en acel tempo per esemplo sosialistes anarciste.

On dise, ce an si Marx en sua produi plu inisial ia regarda un revolui violente como un pre-esije nesesada, alora el a cualce caso plu tarda ta ia converti a acel pensa, ce on no nesesada nesesa un revolui, ma un program reformal pote es esecutada entre la democratia burjes par reformis gradal.

Multes a cualce caso ia relata a Marx como un profeta nonerante, e pos mori de el ia nase un tipo de sistem de dogmas marxiste.

En anio 1899 a cualce caso ia es publicida un obra Die Voraussetzungen des Sozialismus und die Aufgaben der Sozialdemokratie (traduida: "Pre-esijes de sosialisme e taxes de democratia sosial") de Eduard Bernstein, un teoriste e politiciste german e sosial-democrata. Bernstein ia es un nom la plu grande de revisa de marxisme. En sua libro Bernstein ia critica e marxisme e Marx mesma. El ia promove un prosimi siensal per funda de reformis sosial. El ia pone marxisme denova sur pedes de lo par fundi lo sur fatos persepable. La om ia es an plu marxiste ca Marx, cuando el an ia abandona la babela sur dialetica.

Bernstein ia es fundor de la marxisme reformiste, cual no ia promove un revolui violente.

Cuando en La uni soviet pos la gera mundal prima on ia resta pos la talon ferin de la marxisme-leninisme o comunisme vulgar-marxiste e totaliste e dogmosa (cual orijinal ia es un parte de la promove sosial-democrata), alora en multe otra paises a ramo xef ia es la sosial-democratiisme bernsteiniste e reformiste. Pos la gera mundal du esta sosial-democratisme ia vive sua eda oro.

Karl Marx mesma ia descrive se: "Me sola sabe, ce me no es marxiste." Comuniste autocratias en parte ia susi la reputa de Marx, e lo es un mal acaso. Me ia oia, ce la jenera joven a cualce caso pote a alga grado relata a Marx sin la historia xocante de autocratias comuniste como un supracarga nonjusta.

Marx ia promove libria de laborores, e autocratias comuniste ia viole sua vista de mundo.

Me pensa, ce la sosial-democratisme reformiste ia demostra sua funsionalia. Lo ia demostra, ce entre democratia par reformis gradal on pote reformi la sosia a plu bon dirije, de la persepi de laborores. Cuando Karl Marx ia odia tota moralisme an con lo, ce el ia senti un coleri par causa de mal trata e mal state sosial de laborores, alora en sosial-democratisme ia apare un judi plu forte moral.

Cuando capitalisme no es entre sosial-democratisme suvertida en tota, alora serta on debe concista democratia sempre denova. A veses va esiste potias forte e contra-labororal, cual reali sua portavoses a parlamentos nasional. An con lo me regarda la promove reformiste e laboriste plu bon ca cualce alternativa a lo.

An si en profondia de mea cor me cuasi vera ta vole es anarciste. Anarcistes vole fini capitalisme asta fondo e longo lo ance stato en tota, car lo esiste (longo la ideolojia anarciste) mera per beneficas de vantajidas, cual persones ia crea lo a ante.

Ma me mesma no multe pote identifia a anarcisme. Entre la istoria de humanas on an nunca ia es confirmada, ce bonstate de majoria grande de popla pote nase en otra via ca un formula: sosial-democratisme + esiste de stato e democratia + economia de mercato.

Anarcisme no have un resoma brava de carera. Me no pote fida a imaje de futur ofreda par lo, an si me senti un atrae a lo.

...
PS. 22.6.2020: E mesma en lingua finsce: Ajatuksiani sosialismista, työväenliikkeestä, Marxista ja marxilaisuudesta.

Sur la bevida hidromel o sima

Hidromel es un bevida fada par fermenta. Vicinges antica ia bevi hidromel fada de miel. Vicinges ia fabrica du tipos de hidromel: un tipo plu nonalcoholosa e tipo, cual ance femes ensinta ia pote bevi.

Alora, hidromel es un bevida vea e tradisional, cual on ia bevi en Paises norde, incluinte Finland, an si un bevida plu o min simil on ia bevi en alga otra paises e rejiones en Europa entre istoria.

La varia finsce de hidromel – nomida sima – corente on jeneral fabrica de talias de limon e zucar. Jeneral lo no conteni a grado alte de alcohol.

Finsces bevi sima en dias de san Walpurga – en prima de maio, e en sera de lo.

I PS.:

Asi tu vide, como en lingua finsce spasis sinifia (idea a esta PS ia veni de banda de cartunes de Pertti Jarla):

juhannussima teemukissa

= hidromel de mediaestate en tas de te

Sinifia de esta difere de seguente: 

Juhan nussima Teemu-kissa
= gato Timoteus copulada par Iohannes

II PS. Articles sur sima o hidromel en Vicipedia en multe linguas:

en finsce: Sima
en svensce: Mjöd
en engles: Sima (mead)
en engles: Mead
en german: Met

III PS. Me ia compra e bevi acel hidromel (juhannussima). Parola Juhannussimaa en imaje es parola en caso de ojeto – nomida "partitiivi" en lingua finsce – de sustantivo juhannussima, cual es la forma fundal. Partitiivi espresa, ce un aveni es en media e no completida, ma lo es un caso de prosede.

Ta ce nos marxa a acel trapa

Nos debe marxa a acel trapa con oios abrida, corajosa ma sabente, ce nos no have multe espera. Car, nobiles distinguida, lo pote aveni tal, ce nos va es intera destruida en un batalia negra longa de teras vivente; tal, ce an si Barad-dûr ta es destruida, nos no va vive per vide la tempo nova. Ma me vide, ce esta es nosa obliga. E plu bon tal, ca es destruida an con tota – como serta va aveni, si nos senta asi – e sabe en mori, ce la tempo nova no va veni.

un esemplo mestral de retorica

Sur libria de dise

De libria de dise veni acel benefica, ce cuando la confere es sufisinte multivososa, alora faores de desides reseta par lo un informa plu vasta per funda de sua fa de desides, e mesma es natural valida a votores. En ajunta lo jeneral aida humanas mirori sua punto de vista a puntos de vista de otras e de ala aida humanas esplica sua puntos de vista e aida developa plu bon esplicada puntos de vista. Ance libria de dise diminui posiblia de humanas imajina, ce sua opina corente o vista es sur funda tan solida como per esemplo natural leges es.

En ajunta ance tal pensas, cual on duta falsa o noncoreta, debe es espresada, car en otra manera on no pote judi los e no plu serti o refuta los.

La proteje de libria de dise es nesesada spesial par tal opinas, cual la consilio governante, rena, humanas influente o popla grande odia.

Me ance ta dise, ce oposores de libria de dise, incluinte promovores de "libria culpable de dise", a me es humanas noiante, car los es pronto permete libria de dise mera a acel visinas, cual acorda con los. No humana a cualce caso es nonerante. No humana es dio e supra otras.

Mea padre ia es un maciniste de aviones. Cuando me ia es joven, el ia trae a casa de la laboreria un telon de propaganda soviet – La uni soviet ia esiste ancora – en cual on ia nara detaliosa, como bon la constitui de la Uni soviet garantia librias e diretos de humanas. Mea padre no ia es marxiste-leniniste, ma a acel ves el ia have umor per mostra a sua familia propaganda soviet.

Ance en La uni soviet ia esiste longo sua constitui libria de dise. Ma no ala on ia have un permete per dise cualce cosa. Si on ia critica per esemplo dirijores political, on ia pote cade en prison. O porta culpablia de sua dises, como cisa on pote dise oji.

Alga persones have un opina multe inventosa sur lo, cual cosa es libria de dise.

Esense de libria de dise es en lo, ce on es permeteda lansa opinas e vistas enfernal stupida, an si los multe ta irita otra humanas. Opinas de oposores de libria de dise sur un parla permeteda es relatada a la pensa sur libria de dise de la Uni Soviet, Germania nazi e un potia congregal de tota mundo.

...
PS. 22.6.2020: E mesma en lingua finsce: Sananvapaudesta.

Delenn como coler e bruta

El ia es la plus bon de nos... Los ia colpa sin provoca! No ia esiste un causa! Animales! Bruta! Los merita no pardona. Colpa los a su. Segue los a retro a sua stasion e mata tota de los! A mori! Tota a mori! No pardona!

-Delenn

Sosial-democratisme bernsteinal – no utopisme

Eduard Bernstein (1850-1932) ia es un teoriste e politiciste german e sosial-democrata.

En Germania ia es en fini de sentenio de 1900 atal un confere sur malnomida revisa de marxisme. En confere lo ia es caso de lo, ce esce constituor de democratisme sosial Karl Marx (1818-1883) ia es o pote es en alga cosas falsa. Bernstein mesma ia pensa tal, ce Marx ia es como plu joven en sua pensas political plu nonmatura e ce como plu vea la om ia deveni plu razonante.

La obra plu major e conoseda de Bernstein es en anio 1899 publicida Die Voraussetzungen des Sozialismus und die Aufgaben der Sozialdemokratie (traduida: "Pre-esijes de sosialisme e taxes de democratisme sosial").

En sua libro el ia dise, ce contra prinsipes de marxisme capitalisme no ia es en via a la crise final, ma crises ia es diminuinte. El ia dise, ce posese no ia es consentrante a un elite peti e capitaliste, ma contradisente sperdente a plu vasta grupo de humanas. El ance ia critica la teoria sur valua de labora de Marx.

En ajunta el ia dise, ce lo es asurda suposa, ce la stato e comunias legal ta pote posese tota companias. El ia sujesta, ce companias consumal e cooperantal ta es un cosa promovable. Los ta es a cualce caso longo benefica jeneral, an si los ta es privata.

Bernstein ia crede, ce state de laboriste clase va boni entre tempo. La om ia es un sosialiste libraliste, ci ia crede, ce sosialisme debe construi sua luta a diretos librial e universal de libralisme. Taxe de sosialisme ia es un crese de area de libria en sosias. Esta ta aveni entre la democratia burjes. On no ta nesesa un revolui violente. Bernstein ia crede a potia moral de traversa de sosialisme. Ance en lo el ia difere de padre credal Marx, ci ia despeta tota moralisme.

Bernstein ance ia anunsia, ce a el la dialetica marxiste es un teoria descrivente, ma on no pote usa lo como un funda per predises sosial.

En ajunta el ia desfisa democratisme sosial de crede a la sosia nonstatal e ideal nomida comunisme, cual suda lete e miel e cual va veni pos un interfase sosialiste.

On pote regarda Bernstein como un desaponor de utopisme de marxisme.

Libro Die Voraussetzungen des Sozialismus und die Aufgaben der Sozialdemokratie ia have un afeta grande a la tempo futur. Pos la gera mundal prima ia aveni la divide final a du – la sosial-democratisme bernsteiniste, e marxisme-leninisme o comunisme, cual de prinsipe ia crede a un revolui violente.

Me mesma ia leje la libro como plu joven, e de lo me ia amira sania de la presenta de Bernstein.

Presidente de Finland Mauno Koivisto (sua du periodos de ofisia 1982–1994) ia es conoseda sur lo, ce el ia confesa se como un sosial-democrata bernsteiniste. El ia abitua repete un diseda saja de Bernstein:

La destina final de sosialisme, cualce lo probable es, no sinifia. La move es tota.

...
PS. 22.6.2020: E mesma en lingua finsce: Bernsteinilainen sosialidemokratia – ei utopismia.

No multe neva en esta inverno

Nos asi en Finland en urbe Vantaa no ia reseta un natal blanca.

Asta ahora no ia es un natal vera con neva. On ia have mera poca jela.

 

La plu mal inverno de tota tempos a finsces en mea urbe de nase...

La neva sur tera dona sempre un lumina a finsces.

Ma no en esta inverno a multe de finsces. Tro alta temperatur...

Jussi Halla-aho, un disentor finsce

Jussi Halla-aho (n. 1971) es un politiciste finsce, cual orijinal ia deveni conoseda par sua blog Scripta ("Scrivedas de/sur ueste afondante"). A pos el ia junta a partito Perussuomalaiset, cual a alga grado ia suporta poplisme e cisa ance nasionalisme. En acel tempo la partito ia es dirijeda par catolica Timo Soini, cual ance ia es un de instituores de la partito (instituida en anio 1995).

La nom de partito Perussuomalaiset es par fato a grado grande nonposible tradui esata a multe de otra linguas.

Car Halla-aho ia es nasional conoseda, el ia deveni un membro de la comite de urbe Helsinki, capital de Finland, en anio 2009. Un membro de la parlamento de Finland el ia deveni en anio 2011. Un membro de parlamento de La uni european el ia deveni en anio 2014.

Jussi Halla-aho ia suporta un benefica de la popla finsce e oposa multiculturalisme. Par causa de esta el ia es burlada nazi, raziste, faxiste, an si el ia oposa un patriotisme estrema, un nasionalisme estrema, razisme e un violentia political. E an si el ia suporta democratia e stato constitual.

Ma a alga humanas un sinia de sua propre virtua es multe importante.

Corte suprema ia condena Halla-aho a multa par causa de usa de libria de dise en anio 2010.

En junio de anio 2017 Timo Soini ia abandona la ofisia de presidente de Perussuomalaiset. En acel momento Perussuomalaiset ia es du anios en la consilio governante de Finland. A la ofisia ia es elejeda Halla-aho en la asembla partital. Esta ia evoca un coleri grande, e lo ia es vasta regardada un mal move.

Ma me ia junta me a membro de Perussuomalaiset.

...Como un politiciste Halla-aho es analisal. Sua presedor como presidente de Perussuomalaiset, Timo Soini, ia es un demagogo....

Alora Timo Soini e cadas de otra ministros de Perussuomalaiset ia abandona sua partito e constitui un grupo nova e political en parlamento. A nom de la grupo ia deveni Sininen tulevaisuus (traduida: Futur blu). Otra partitos political en la consilio governante, Suomen keskusta (traduida: Sentro de Finland) e Kansallinen kokoomus (traduida: Alia nasional), ia coleri multe. Ance Sampo Terho, ci a ante ia dise, ce el have opinas political simil como Halla-aho, ia abandona la partito. Majoria de partitos en la parlamento ance ia refusa de coopera con Perussuomalaiset.

A ante on ia reproxa Perussuomalaiset un partito estrema. Ahora, cuando Jussi Halla-aho ia es elejeda a presidente de partito, on ia dise, ce Perussuomalaiset ia ahora deveni un partito estrema.

En elejes parlamental de anio 2019 Sininen tulevaisuus cadeva de la parlamento finsce. Timo Soini no ia partisipa a elexes.

En mesma elejes Jussi Halla-aho ia reveni a la parlamento finsce.

En cuasi comensa de anio 2020 la organiza jovenal de Perussuomalaiset ia refusa de un projeta de dirijores partital, longo cual membros de la organiza jovenal debe es ance membros de partito. Esta ia resulta a lo, ce Perussuomalaiset ia constitui un organiza nova e jovenal en loca de pasada. La projeta ia deriva de lo, ce en sirculos de la organiza jovenal ia ata elementos faxiste. En regulas de la organiza nova e jovenal on ia scrive sur respeta de democratia, libria de dise e la stato constitual.

...
PS. 22.6.2020: E mesma en lingua finsce: Jussi Halla-aho, suomalainen toisinajattelija.

...

PS. 21.6.2021: Jussi Halla-aho ia anunsia, ce el no va continua como presidente pos agosto.

...

PS. 21.6.2023: Halla-aho ia age de 9.2.2022 hasta 4.4.2023 como presidente de la comite de esternas de la parlamento finsce. De 21.6.2023 el age como presidente de la parlamento. Lo es la ofisia du en grado en la republica finsce.

...
PS. 12.2.2024. Halla-aho ia partisipa en eleje presidental de Finland. On ia have, en junta, nove aspirores. En la prima eleje nun ie reseta la majoria, donce ia segue eleje du. Halla-aho ia es la tre, donce el ia cade estra lo, en cual ia es du aspirores: Alexander Stubb e Pekka Haavisto. Los ia es multe plana en la compete. Stubb ia esede. El ia reseta 51,6 % de la votas asetada.

Libralisme es un ideolojia per libria e individua

Libralisme es un ideolojia political per libria, individua, siensa e progresa. Lo nega tal sistemes potial e moral, cual es fundida a la orijina de nase, e libria personal es esensal a lo.

Libralisme promove tal pensas, ideas e programes como libria de dise, libria de jornalistes, libria de relijio, libria comersial e la economia mercatal, la autodetermina nasional, democratia, la direto de humanas a deside de sua propre vive, siensa, la rena secular, la egalia de sesos e la egalia de sitadanes ante lege.

 

Libralisme aproba la pensa de esiste de interesas sosial e diferente, ma longo la ideolojia de libralisme en parlamento on pote razonante reconsilia entre interesas diferente.

La libralisme orijinal ia es, spesial, un ideolojia de burjesia. En sua tempos la libralisme orijinal ia es en pratica un ideolojia sosial nonencargable. En la comensa mesma lo ia prefere per dona libria sola a un parte limitada de humanas. On pote ja dise, ce en comensa libralisme no ia es un ideolojia de libria, ma un motel en cual lo ia es inisiada.

La industri en parte ia a ante pari libralisme, e cuando la promove laboriste ia es pico e pico deveninte a funsionor forte, ance en sirculos libraliste on ia comensa plu frecuente aseta programes sosial per boni situas de laborores e povres e miseras.

Ia esiste ance alga representores inisial de libralisme nova e sosial, como filosofiste e economiste engles John Stuart Mill (1806-1873).

La libralisme orijinal on pote nomi libralisme clasica distinguida de plu democrata libralisme sosial. En veria ance alga libralistes sosial plu encargable nomi se promovores de la libralisme clasica.

Pos recambia de sentenios 19 e 20 partitos libraliste ia cade plu e plu a un situa sever e competal con partitos sosialiste – marxiste e anarciste – e los plu o min ia atrofia. A cualce caso, nondependente de lo, esce humanas corente nomi se libralistes en paises ueste, jeneral los promove plu o min ideas esensal de libralisme.

En recambia de sentenios 19 e 20 Eduard Bernstein (1850-1932), un teoriste e politiciste german e sosial-democrata en sua scriveda Die Voraussetzungen des Sozialismus und die Aufgaben der Sozialdemokratie (traduida de nom: Pre-esijes de sosialisme e taxes de democratisme sosial) ia intende separa marxisme de utopias e asosia lo a malnomida democratia burjes e a pensas librial de libralisme, e car esta bernsteinisme entre tempo a alga grado ia deveni norma de la sosialisme marxiste en paises ueste, on pote oji dise, ce la libralisme sosial e la sosialisme marxiste no sempre es seria contradisente a lunlotra.

Ma libralisme ancora no a cualce caso pote sinifia sosialisme, an si esiste un forma libraliste e spesial de sosialisme nomida democratisme sosial e bernsteinal. Libralisme asentua libria a alga grado plu ca bernsteinisme. Me pensa, ce como libralisme on no ance pote regarda tal ideolojias, cual divide humanas a grupos, cual have diretos diferente en la sosia, fundida a posa de individua en hierarcia de vitimas.

Libralisme oji es an un terma a acel grado popular, ce alga humanas oji finje libralistes, an si los promove cosas, cual es contradisente a lo. Cosas como restrinjes forte de libria de dise, discrimina contra alga humanas o per esemplo forsa de un majoria grande de sitadanes a studia un lingua prima de un minoria microscopial peti en scola.

Esta cosa ance es turbada par lo, ce en la Statos unida de America de desenio de 1930 progresistes de cada mundo ia nomi se libralistes nondependente de lo, esce la pensas de los es libraliste en modo forte. Esta deriva de presidente Franklin Delano Roosevelt, ci ia espresa en sua tempo, ce el es "libraliste", e ci la popla grande conose sur la programes sosial e aidante de el entre la depresa economial de desenio de 1930.

Me critica en libralisme lo ja, ce an si me reconose la valua de la inventa de individua regardante la nase de la idea de diretos humana, me deba dise, ce libralisme have un tende atomisa la sosia par trata humanas como mera individuas, an si par fato humanas have familias e los parteni a comunias diferente.

...
PS. 22.6.2020: E mesma en lingua finsce: Liberalismi on vapautta ja yksilöä kannattava poliittinen ideologia.

Multiculturia e multiculturalisme, un ideolojia political

En multiculturia lo es caso de lo, ce la sosia es divideda a grupos, cual es oposante a lunlotra.

La antonim de multiculturia no es monoculturia, ma lo, ce en la sosia esiste regulas minima e spesifada, longo cual cadas o cuasi cadas de humanas vive.

La ideolojia political, cual promove multiculturia, on nomi multiculturalisme.

Tipal a multiculturalisme es un pensa sur hierarcia vitimal.

En ajunta multiculturalisme par fato multe honora om muslim e diretos relijiosa e fundaliste de el supra diretos de femes, xicas, homosesales e disentores. Par causa de alga cosa la om muslim es a la plu alta en la hierarcia vitimal de multiculturalisme.

...
PS. 22.6.2020: E mesma en lingua finsce: Monikulttuurisuus sekä poliittinen ideologia monikulturismi.