9.6.2020

Nos cadas ave nosa comandas

Comandas, nos cadas ave nosa comandas. Lo es alga, cual tu no an comprende; tu pensa, ce "vade a leto temprana" es un comanda, "limpi tua sala" es un comanda. Dur comandas... aceles es los, cual tu descovre a pos. Un comanda per abandona tua amis sur campo de gera, un comanda per mitralia a debiles, persones sin fortia. Mea comandas – mea comandas ia es per preveni narnes de usa la gera per constitui plu prosima relatas con umanas. Mea spiores ia descovre sur mision a sistem Epsilon; nos ia suposa, ce lo ia es un barconi de armas, nos no ia sabe, nos no ia pote sabe, ce esta ia es un atenta per fini la gera. E alora me ia dona un comanda per interveni los. Fabricor grande pardona me!

-Londo Mollari

1.6.2020

Estate ia es enfernal

Estate de anio 2018 ia es calda como en enferno. Estate de Finland es conoseda par loa variablia. Alga veses lo es fria, a otra veses lo es plu alga calda. A veses lo pluve plu, a otra veses min o a no grado.

En estate de anio 2018 tempo ia es simple calda. En lingua finsce tal temperatur, cual es a la min 25 grados de Celsius, on nomi helle. En acel estate ia esiste helle de helles.

En 16 julio de 2018 Donald Trump, presidente de la Statos unida de America, e Vladimir Putin, presidente de Rusia, ia encontra lunlotra en Helsinki, la capital de Finland. Los ia partisipa en esperia de la estate finsce. Tal ia fa ance multe de jornalistes stranjer.

Alga persones ia pote alora mervelia, ce vera, esce la estate finsce es sempre como lo. Me dise, ce lo no es tal.

Alora me ia sufri multe. Sempre denova.

Ance la natur finsce ia sufri.

..Ia esiste multe de dias como esta.

...Lo ia es enferno.