21.10.2021

Me pote defini mea ideolojia political ance en esta manera

A ante ma ia defini mea ideolojia political en du maneras (la manera un, longa, e la manera du). Aora me mostra un manera plu:

Me es un nasionaliste, ci es ance un sosial-democrata.

PS.:

En junio de anio 2019 la om grande e vea de Verdes de Finland Osmo Soininvaara ia trata en sua blog lo, ce en Danmarc la partito sosial-democrata, local a ante ia adota la program de "poplistes destrisme e anti-enmigral". Como un segue ia aveni un colasa de otras e un susede grande de la sosial-democratistes en la vota jeneral per la parlamento de Danmarc.

Soininvaara ia insinua en la scriveda blogal, ce car la sosial-democratas es ja per la plu umanas sivil, tal esta no ia multe mal vade.

16.10.2021

Mea "sajias" spirital

Si Dio ta esije de me un vive etical bon, el ta persepi en futur, ce me no pote lo.

Dio esije de me no cosa e me esije de Dio no cosa.

Dio afeta en mea testa.

Me no ave informa sur Dio, si el no lumina mea consiensa.

Me no ave obligas relijiosa; me ave sola obligas secular.

Me no debe permete mea prejudis relijiosa influe mea opinas political.

PS. Orijinal esta ia es scriveda par me en finsce asi.

29.9.2021

Impivaara refereda

Nos no pote clui per reclina se a Impivaara.

-gato de Tapio Tuuri, nomida Pomo, en la dui prima de agosto en anio 2011

(Impivaara es en la cultur finsce un vileta, vila, rejion, loca o visineria, cual es conoseda sur loa isoli mental. Esense de Impivaara apare como un tensa entre sua visineria propre e la mundo spasiosa. )

(On ance representa e ia representa la natur de la popla finsce como es de Impivaara, car esta ave plu o min un tende per isoli mental.)

21.9.2021

Sur nazisme o la sosialisme nasional e hitleral

La sosialisme nasional (en german: Nationalsozialismus), plu familiar nazisme. Esta ideolojia ia orijinal es suportada par la Partito Nasional Sosialiste de Laborores German (en german: Nationalsozialistische Deutsche Arbeiterpartei, NSDAP).

Nazisme ia es developada en Germania par Adolf Hitler (1889-1945), un politiciste german, ci es oji favoreda en India e Pacistan.

Me pensa, ce como un ideolojia nazisme es deplorable.

La leva de la ideolojia ia es posiblida par la Trata de Versailles, cual ia es a alga grado nonjusta: Lo ia determina, ce sola Germania ia es culpable a ensende de la Gera mundal du. Lo ance ia disposa Germania per paia compensas de gera en cuantia noncredable. En ajunta la Tera de Reno ia es ocupada. La depresa economial e grande de anio 1929 ia fa un otra favore a la sosialisme nasional e hitleral.

Adolf Hitler ia es forsada pasa oto menses en prison car el con su gang ia atenta ja un colpa de stato en Germania. La periodo de condena ia es corta, car Hitler ia es ja en la gera mundal prima un soldato en la fronte ueste, an si como un mesajor a relativa distante de la fronte de batalia. A cualce caso el ia es ferida du veses entre la gera. A veses cartuxes de artileria ia aveni ance a plu distante de la fronte de batalia. Par causa de ela veterania Germania ance no ia deporta Hitler pos sufri de ela periodo de condena. El no ia es en esta fase un sitadan de la pais. Cuando el ia es en prison Hitler ja ave tan bon situas, ce el ia maneja scrive ala sua declara Mein Kampf ("Mea batalia").

La sosialistes nasional ia maneja prende un potia permanente a se en anio 1933. Alora los ia constitui autocratia de sola un partito. Adolf Hitler ia deveni la autoriosa de Germania, adorada par sua suportores.

La sosialistes nasional ia ave difisilias a relata con aseta a umanas relativa nonturbosa, si estas ia aveni es diferente en la manera de perspetiva de la ideolojia.

Longo la sosialisme nasional iudis ia es un raza, cual ia compete seriosa con germanicas, e un de estas ia debe vinse e la otra ia debe perde. Lo ance ia regarda romanis e slavicas su-umanas.

Entre brasetas la sosialistes nasional no ia ave par fato un posiblia rexerca en manera plu siensal la state razal de iudis o los, cual on ia suspeta es tal, car la sabe siensal sur strutur de ADN ia es ance en Germania de Hitler en fases inisial. Alora, ofisiores publica ia judi la raza de judis fundida a lo, cual ia es la relijio de avis de la person.

Ance la relata a descapasidas ia es enemin.

On ia persegue iudis e diretos de los ia es strangulada. En campas de consentra on ia vagoni en ajunta de iudis disentores political, como sosialdemocratas e comunistes, omosesales, atestores de Iaue, pretes e pastores cristian e romanis.

La sosialisme nasional ia lansa a sesto de dejeta libria de dise, democratia, la stato constitual, la opina sur dinia umana e virtuas cristian militar tradisional de Militares german.

Incluinte a la tota otra Hitler e la sosialistes nasional ance ia fa nonjustia a filosofiste Friedrich Nietzsche (1844-1900). Esta ia deriva de lo, ce sore Elisabeth (1846-1935) de la filosofiste ia malnara pensas de sua frate a nazis. "Nietzsche" valuada par la sosialistes nasional ia alora es multe diferente comparada a la Nietzsche istorial, ci ia oposa ja ideolojias de masas e razisme, ci ia suporta la pensa libre. A la otra lado on debe aseta lo, ce filosofiste Nietzsche no ia, como la sosialistes nasional, valua un compatia a debiles. Cisa lo ia ta es meritante, car la filosofiste ia colasa mental en anio 1889 sirca 11 anios ante sua mori.

Hitler con sua cameradas ance ia constitui un program de omiside per mental retardadas, descapasidas e dementes. A alga fase contra lo la opina publica ia leva, cual ia mestri dedui, cual ia aveni ja, ma la sosialistes nasional ia continua sua projeta de a ante de esta punto, ma plu secreta ca ante esta. Par causa de la gera on ia a cualce caso atenta posa alga restrinjes a esta destrui afin veteranes descapasida on no ta elimina multe.

Si on ta debe trova alga bon en la sosialistes nasional, sin duto esta ta es losa bon relata a animales e natur. Par fato la sosialistes nasional ia es preparada per trata umanas plu mal ca animales.

Un otra lado en la sosialisme nasional, cual algunes pote trova bon, ia es la lado sosialiste de losa ideolojia e pratica political.

Adolf Hitler ia crede en la favore divin. La sosialisme nasional ia es a cualce caso un promove neopagan. La fundor de lo no ia valua "la moralia compatial" de cristianisme, cual ia es per debiles, e la orijina iudi de lo e la mal disposa a animales. Per aida per nazi de Germania la suportores de Hitler ia fundi la malnomida Promove de cristianes german, cual ia vole combina credes razal, anti-iudisme e un adora de la autoriosa. Hitler ia valua budisme par causa de loa relata compatiosa a animales e islam par causa de loa natur militar. Vera la relata de islam a animales no ia es blu bon ca de cristianisme, ma on no nesesa valua un ideolojia o relijio en tota. Me no secur sabe, ma lo es posible, ce Hitler ia ta valua en islam ance loa sentrisme familial.

Anticristianisme de la sosialisme nasional on vide ance en lo, ce en loa armada propre la fortes SS on no ia aproba pretes militar, como en la forte de aira Luftwaffe, cual ia es dirijeda par Hermann Göring, un camerada vea de Hitler. On ia lasa la institui es en la armada normal e tradisional Heer.

En anio 1938 Germania ia ajunta par sua vole propre Osteraic a se. Ma lo es no cosa, car on ia pote a cualce cosa esplica lo par parteni a la nasion mesma, e osteraiceses ia parla german como sua lingua prima. Par aida de la Rena unida e Frans lo ance ia forsa Txescoslovensco abandona la Sudetland poplada par germanes, la area do ance ia es locada la fortreses defendal de la pais.

En prima dui de la anio 1939 Hitler ia forsa Lietuva sede Memel, en cual umanas ia parla german a Germania. Seguente el ia menasa bomba Praha, cuando Txescoslovensco ia plia sede. Sin fortreses a la limita un defende ia ta es nonfasil.

En agosto de anio 1939 Germania nazi e otra pais autocratiosa la Uni soviet ia fa un contrata de nonataca, cual es nomida longo la du ministros de esternas: Molotov e Ribbentrop. En la notas ajuntal e secreta de la contrata alga paises entre estas du potias grande ia es locada a zonas de influe, e con estas la du paises ia pote ata como los ia vole.

Un amosia profonda entre estas du sistemes autocrata ia contribui serta la ateni a contrata.

Longo la notas ajuntal a Germania ia parteni un parte grande de Polsca e la restante a la Uni Soviet. A Germania ia parteni Lietuva, ma plu tarde lo ia es moveda a la zona de influe de la Uni soviet, cuando Germania ia reseta en la intercambia plu rejion en Polsca. A la Uni Soviet ance ia parteni Finland, Esti e Latvia e Besarabia e Bucovina norde de Romania.

Como segue de la contrata Germania e la Uni soviet pronto ia ocupa Polsca, e ance Finland ia reseta efetos de la contrata en la dia ultima de novembre, cuando la Uni soviet ia ataca la pais. Germania de Hitler como un bon camerada de contrata fante sua la plu bon ia atende bari la carga de materia de gera a Finland. Per esemplo, Finland ia comanda ja 23 otobre 1939 aviones xasante de Fiat (G.50) de Italia, e Hitler ia proibi transporta de los tra Germania.

En primavera de anio 1940 Germania ia ataca a Frans, Beljia, Nederland, Luxemburg, Danmarc e Noria e ocupa los.

En estate de anio 1940 la Uni soviet ia propri Esti, Latvia e Lietuva e Besarabia e Bucovina norde.

En primavera en anio 1941 Germania a junta con Italia, Ungaria, Romania e Balgaria ia ataca Iugoslavia, de cual defende ia colasa rapida. Germania ia ataca ance Elas e ocupa lo, e esta ata ia deriva en parte de lo, ce loa aliada Italia no ia pote ja defende se pos ce loa ataca a Elas a prima anio.

Me no así trata plu atas de gera de Germania per no supralongi la scriveda.

La furia sin vergonia, a cual ia inere omiside e violes e propri vasta de comeda, ia seria comensa en 22 junio 1941, cuando Germania ia ataca a la Uni soviet. La Uni soviet ia es preparante a ataca a Germania en la futur, ma lo poca ia es tarda de la comensa.

En anio 1942 ofisiores publica, nasional sosialiste en asembla de Wannsee ia afirma la cosa, ce iudis debe es estinguida.

En fini de la gera mundal du la aliadas, cual ia es vinsente la gera, ia debe afirma, ce Germania nasional sosialiste ia constitui ja campas noncontable de destrui, en cual iudis e los, ci la sosialistes nasional ia categori su-umanas, on ia vole omiside.

La dirijor de Germania nasional sosialiste Adolf Hitler ia mata se un o du momentos ante la fini de la gera en Europa en sua buncer. Un parte peti de ela seguores ia es condenada en la prosede legal de Nürnberg a mori o a prison. Un person condenada a prison ia es la arciteta favoreda de Hitler Albert Speer, ci ia deveni ja plu tarde la ministro de furni de armas, ci ia usa en sua projetas labororia de sclavos. Speer mesma ia dise ja, ce si Hitler ia ta ave amis, el ia ta es ela ami.

Sosialistes nasional e hitleral, con ci Adolf Hitler no plu permane, es nomida neonazis.

PS. La faxisme de Italia e la sosialisme nasional de Germania frecuente es aposada par nomi ambos faxismes, ma lo probable es un inventa soviet. Per dise a la autocrata de la Uni soviet Josif Stalin, e marxiste leninistes lo ia es misera per dise, ce la sosialisme nasional ia es un ideolojia sosialiste, cuando la Uni soviet ia ave la sosialisme sola, vera. La faxisme de Italia a cualce caso par fato ia difere multe de la sosialisme nasional a la min en relata con lo, ce lo no ia conteni credes razal, no ia adora la popla e la erita de sangue – lo ia adora la stato en loca de lo – e no an ia promove un arte statal. An si serta la antidemocratisme e la viole political, cual ia inere a la faxisme de Italia, a cualce caso es multe de su. En ajunta la dirijor de faxistes Benito Mussolini ia es un oportuniste, ci per onora la prosimi de Italia e Germania ia comensa en anio 1938 discrimina de iudis fundida a lege.

...

PS. E mesma en lingua finsce.

24.8.2021

Mea ideolojia political en forma multe multe corta

Nasionalisme global es un ideolojia political, cual es poca conoseda. Prima en lo es caso de nasionalisme o supra tota de acel pensa, ce cualce nasion de prinsipe ave direto a autodetermina e direto a cultiva sua propre cultur. Du, la ideolojia promove un compete pasosa de nasiones e ance losa coopera.

Libralisme es un ideolojia, cual promove libria, individua, siensa e progresa.

Me ia veni a conclui, ce lo ta es la plu simple a me defini mea propre ideolojia political en esta manera:

nasionalisme global + libralisme

...

PS. 15.10.2021:

Orijinal me ia publici esta testo en finsce asi.

A ante me ia publici un varia plu longa de esta scriveda.

27.6.2021

Un crise credal e nova

Me ia persepi, ce on no nesesa a nesesa adota a labora espial de Cristo. Lo sufisi, ce on dedui, ce un umana no ave un fortia a cambia se a moral e sua motiva pur. E el no debe tal atenta. Un umana cambia nondependente de sua atentas, si un cambia aveni.

Esta mea punto nova de vista, me pensa, es ance un ideolojia relatante a "normal" cristianisme. Me ance pensa, ce lo es a prosima a lo, cual Jesus ia presenta. A me la Predica montal de Jesus ia es ela trucia, de cual razona ia es: fa umanas persepi, ce nun pote sasia la esijes de lege de moralia. E el ance ia dise a sua disiplos un ves, cuando estas ja ia mervelia, ce esce no person pote es salvada: "Cual es nonposible a un umana, lo es posible a Dio."

PS. Esta es un varia plu corta de esta scriveda en finsce.

28.5.2021

Corta mea ideolojia political

  • diretos sosial, incluinte diretos de laborores (on debe nota estas asi, car libralisme no nesesada es sosial)
  • Diretos umana es importante, ma la supra-asentua de diretos no es multe san. Ance a obligas umana on debe atende.
         On pote espresa diretos como obligas.
  • positivia a siensa. la metodo siensal es un media la plu bon a furni a se informa o sabe. Lo es plu bon, ce ance politica es fundida a realia. En ajunta: la evolui biolojial ia crea ance la serebro e mente de la spesie de umana, e on debe regarda ance en politica.
  • criticia a relijio, e antieglesorisme. Me asoluta suporta la separa de congregas e stato. Me ance suporta lo, ce on no pote usa relijio como un pre-esije per un ofisia publica. me ance suporta lo, ce tal scolas, cual reseta un suveni publica, no pote ensenia relijio, o a la min como un ensenia confesosa.
         Me pensa, ce de tal umanas, ci suporta un legi relijiosa, on debe priva un direto a vade a ofisia. Me pensa, ce en estalo ta es un caso de autodefenda de democratia.
         Me pensa ance, ce ance tal relijios debe es proibida, cual suporta razisme o un gera santa contra disentores o atende par violentia bari un cambia de relijio o un sposi con un person de otra crede.

PS. Me ja ia publici un varia de esta en lingua finsce a ante.

...

PS. 15.10.2021: Un varia nova de esta asi.