Humanas, un prinsipe importante

Mea sinifia de vive la plu nova:

humanas

Ideolojias political con sua antonimes

Plural menses ante ahora me ia partisipa a un sonda de opina, en cual on ia demanda sur vistas political de la respondores. Par alga manera faores de la sonda ia susede ja malfa par pone conservalisme e libralisme a antonimes a lunlotra. De la sonda me ia catura la inspira per scrive esta scriveda blogal.

Ma así on ta have alga pares real de antonimes political:

Conservalisme honora relijio e tradision e supra tota aceles autorias, cual conveni a se. Conservalisme relata critical a la pensa de humana como un bon esente.

La antonim de conservalisme es radisalisme, o promove de cambias rigorosa e profonda a sosia. Longo radisalisme un sosia brava es como un omeleta, cual nesesante on no pote reali sin rompe de ovos, lo es: humanas.

E libralisme es un ideolojia political per libria, individua, siensa e progresa. Lo nega tal sistemes potial e moral, cual es fundida a la orijina de nase, e libria personal es esensal a lo.

La antonim de libralisme es autoritaria o crede a autorias. Un autoritariste inferiori a dirije de un autoria sin demandas.

Sosialisme es un ideolojia, cual promove la posese publica de medias de produi e instituis finansial.

La antonim de sosialisme es promove de minarcia o stato de gardanote. En minarcia la stato imposta e lo have sua propre ordina de judi, ma la taxes de la stato ia es minimida. Un stato de gardanote susta polisia e la armada per garantia la securia interna e esterna e per garantia la direto per la posese privata, incluinte comersia. Longo un otra interprete anarcocapitalisme es la antomim de sosialisme. En anarcocapitalisme la funda de vive sosial e statal es en companias privata, cual determina la regulas, longo cual humanas vive.

Me denova ia inventa un sinifia nova per vive

Me a la note ultima ia inventa denova un sinifia nova per vive:

Si felisia es posible, ta ce tu es felis. Si contentia es posible, ta ce tu es contente.

Cual tipo de imaje de Putin va permane a desendentes

Cuando la tempo abandona autocrata Putin, alora cual tipo de imaje va permane de el a desendentes?

Me opina, ce a la min un imaje de un de dirijestatos la plu sobornada en la mundo moderna. On pote a cualce caso contradise a esta lo, ce Putin cura sola la opina de rusces etnical.

An si a la otra lado Putin no cura txa la opina de rusces, si lo es contra sua propre opinas. Si en Rusia ta esiste libria de espresa, e si no person ta cade a difisilia par causa de oposa de la dirijor, alora lo ta pote es, ce la majoria de rusces etnical ta oposa Putin.

Ma a la otra lado, la popla rusce es per la plu composada de humanas, cual no respeta un posesada privata, e an min la posesada publica. Estas humanas par causa de lo vera respeta Putin, car el ja es la plu grande de furores.

La desendentes va a cualce caso memori sur Putin ance lo, ce el ia priva ja eseta de minorias etnical, ance de rusces etnical la diretos political de los. E lo, ce el ia comensa ja la gera de destrui contra Ucraina per cansela esta nasion a via de la mundo. A eda antica ucrainsces ia es un popla de frates a rusces. Oji lo no es la cosa.

Un cualia difisil de elefen

Pos lo, ce me ia comensa ja promove acel cualia de elefen, ce determinantes de un determinada loca jeneral pos esta, lo ia prende des menses a me vera asorbe lo.

No partito have en sua posese la tota veria

No partito political have en sua posese la tota veria. Si alga de los imajina en otra modo, alora tal partito no ta debe partisipa en elejes entre la sistem democrata.

La corpo de parolas de elefen difere de la corpo de latina

Me pensa, ce en elefen on have ance un otra problem. Lo, ce la corpo de parolas difere de la corpo de latina. Ma nun pote aida con esta. E esta es sola mea problem.

Perce on oposa democratia direta

En democratia direta lo es un caso de referendos. En esta, un cuantia spesifada de sitadanes pote fa un projeta legal. Lo pote ance conserna un cansela de lege legida par parlamento.

Democratia direta es un parte de proteje consumoral de sitadanes. Majoria de votores pote par lo pasea a supra politicistes leginte. Como taxe de politicistes ta resta en epoca de democratia direta la fa de politica dial.

Frecuente on oposa democratia direta par causa de lo, ce lo priva un parte de la potia de politicistes.

Nasionalistes no es sola aceles humanas

Nasionalistes es ance aceles humanas, a de cual identia sua propre grupo etnical sinifia multe.

...

PS. 15.11.2023: E la mesma testo en la finsce así.

Distributisme ta dessentrali potia economial en sosia

Car potia economial trae con se ance potia political, un sperde plu egal de lo entre sitadanes ance susta democratia.

Ja entre la sentenio de 1800 ia nase ja un promove political, cual on nomi distributisme.

La nom de la ideologia pote es pensada veni de la verbo de la engles distribute, o alternativa, si on es triste sin lo, de la verbo de latina distribuere.

Distributisme ia promove e ancora promove la sperde de potia economial.

Radises de distributisme es fundida a ensenias papal de sentenios 1800 e 1900, en cual on ia marca justia sosial. La nom a la ideologia ia dona ja pensores catolica, engles Gilbert Keith Chesterton (1874-1936) e brites Hilaire Belloc (1870-1953). Entre tempo la funda de la promove ia estende estra poplas catolica.

On pote regarda distributisme un varia de politica de la via tre, car lo rejeta la consentra de potia economial e a clase peti de capitalistes e a un stato autocrata renada par partito comuniste.

Un idea elemental de distributisme es e ia es per favore autosufisi e forti de sposi, familia e casa, cual tre cosas es esensal a un nasion. La parte economial de esta idea pote xefal es divideda a du fratos, cual susta lunlotra:

1. sperde de posese entre sitadanes
2. suporta de emprende minor

La idea de distributisme es impedi nonegalia sosial par sperde la potia economial a cuantia plu grande de persones. Heroes de lo es la sola emprendor e la emprendor de familia. A cualce caso distributisme no intende tota elimina en la vive economial unias, cual es multe plu grande ca esta, car on nesesa tales a veses, ma lo intende minimi lo par regula e dirige plu o min legera de la potia publica.

Distributisme ance no intende forsa humanas a emprendores. Lo es tota posible vive como un laboror de salario en la sosia longo distributisme.

Distributisme e nasionalisme have comun la marca de la stato nasional e nasion en economia. Alora, distributisme en historia frecuente ia es un parte de la program de promoves nasionaliste.

Car distributisme intende sperde la potia economial, on pote dise, ce la ideologia conveni bon con democratia.

La Defeta ta debe es filmada denova como razal diversa

En un foro de discute finsce en rede mundal on ia dise, ce La Defeta (en lingua german Der Untergang) es un de aceles filmas, cual ta debe asoluta es fada denova en tal manera, ce la roles de Hitler e la otra dirigores de nazi-Germania ta debe es asiniada per persones negra. La discutor ance ia dise: "Lo ta es interesante segue, cual tipo reatas esta ta velia. La vea varia ja es, noiante, tota-blanca."

Me pensa, ce acel ta trae variosia razal a la filma. Oji lo no es importante, ce esce en filmas e series de TV historial tota detalias es razal vera.

Letera J repronunsiada

Oji me ja pronunsia en mea mente letera J como un varia consonantal de fonem I.

H e G en elefen

E natural on have ance lo, ce me pensa, ce leteras H e G ta debe es usada plu en elefen.

No esiste un sufisa per averbos en elefen

Frecuente me evita lo, ce on no have un sufisa per averbos en elefen.

Un razona a la depresa: J

En sera de un dia de la semana ultima me ia sufri la depresa. Lo ia deriva de lo, como on pronunsia letera J en elefen.

Me ia inventa un sinifia nova per vive

Me un momento o du ante ahora ia inventa un sinifia nova per vive:

Lo es importante batalia contra fortias de caos e dementia, cual domina en la mundo. La punta final en vive es un sosia organizada e sivilida.

Ortodoxia e libralisme

Ortodoxia no es un cosa multe libraliste.

La pasada de Finland sin colonias

Mea propre pais Finland ta debe es orgulosa sur lo, ce Finland nunca ia have colonias.

En mundo de mamales on have du sesos

En mundo de tota mamales la reprodui aveni par du sesos.

Estra de la cosa reprodual la mundo de sesos pote a cualce caso es con mamales plu diversa.

...

PS. 17.8.2023:

En un article scriveda par Osmo Tammisalo e publicida en numero 4/2019 de jornal 'Skeptikko' de la asosia finsce Skepsis, on dise en manera seguente:

LA DEFINI BIOLOGIAL DE SESO es esata e nonambigua: acel seso, cual have gametas plu grande, es un fem. Acel, cual have gametas plu peti, es un om.

La defini posibli lo, ce un parte de individuas es sin seso (no gametas) e ce un parte de individuas es ambos (have gametas e grande e peti). La defini biolojial posibli ance lo, ce un individua pote esperia, ce el/lo es en corpo de un seso diferente.

Relijio e politica

Relijio en sua state la plu mal es un menasa a aveni de diretos humana. Par causa de lo me opina, ce on ta debe carga a tal persones, ci intende ata en politica, e a la partitos, esijes seguente:

• Oposa sistemes sosial, relijiosa.
• Distingui tua puntos de vista relijiosa e filosofial e los sur etica e moralia de la vista de siensa. Memori, ce de lo cual la cosas es, on no pote conclui, como los ta debe es. La funda de siensa es sua filosofia e metodo, ma en otra cosas lo es libre de suposas metafisical. Opinas filosofial es sujetal, ma en siensa on intende es ojetal.
• Aproba lo, ce algunes vole ultima abandona tua comunia relijiosa o fini promove la relijio a retro de lo. Entre otra ideolojias relijios es sola ideolojias creada par humana.
  

Nonorijinal diseda

Esta no es orijinal diseda:

La tota es vania e un aspira de venta, car la tota es un empresta.

Asi me sita simultan Eclesiaste o Cohelet de la Atesta vea e un filosofiste antica par combina par la parola "car" la du "declaras" diferente.

Problem Teodicea

On nomi problem Teodicea acel demanda entre la eglesa cristian, ce perce Dio lasa la tota nonjustia, sufri e mal aveni a humanas, ance a brava tales.

En la serie NCIS en saison de produi 18 en episodio 9 on ia have un conversa seguente entre investigor forensial Kasey Hines e mediciste forense Jimmy Palmer:

– Pos la tota, cual tu ia esperia... Perce tu ia cade a tan dur? Perce tal aveni a bon humanas como tu, cuando me... cuando nos otras continua la vive sin lamenta?

- Esce tu pensa tal?

– Me pensa, me vide, me senti.

– Alora, oce. Ta ce nos considera la cosa. Lo, cual  me aprende de la tota esperiada par me, es, ce no person survive de la vive sin lamenta.

– Me no sabe...

– Me sabe. Ta ce nos pensa la "Du urbes".

– Tu ia perde me.

– Charles Dickens no ia scrive: "Tempos ia es la plu bon e la tota ia es merveliosa". Esce tu sabe... Sin tempos la plu mal nos no ta have poesia o cantas triste. No tal, cual fa valua tempos la plu bon. Stelas brilia sola en oscuria. No person es imune a sufri. No person. Bon en esta es lo, ce humanas como tu e me dura lo.

– Esce vera?

– Nos labora per nos pote brilia briliante.

– Ahora me sabe, como tu ia susede parla la person estra de la cornisa de fenetra.

O corta diseda: la bon en vive pare vera bon sola, cuando en lo es ance mal.

A la min me opina, ce en lo on have un responde multe bon a problem Teodicea. La serie have un bon senariste.

Resta sola acel demanda, ce perce algunes sufri nonjustia plu ca otras. Ma lo no nesesa es un problem. Esta nota pote aspeta fol, ma an con la survivores de la holocausto esecutada par nazis on ia persepi, ce an si otras de estas ia perde sua crede a Dio par causa de la esperiada, alora otra persones ia comensa crede a El par causa de sua esperias. La sinifia de vive pote es vera a radis esperiada en situas intensa e ance nonposible.

PS. E la mesma testo en lingua finsce.

Mea recovre

Me ja ia recovre, referente a esta cosa.

Mea luta con elefen

Me ia publici hasta ahora plu ca dui sento scrivedas, ma me ancora luta con la ordina de parolas de LFN.

Cual libralisme no es

Un libraliste no esije, ce un humana debe have un "consensia coreta". Un libraliste no ance defini, como otras es permeteda pensa, como los es permeteda opina, cual on es permeteda come o bevi e como on debe move.

Un libraliste no regarda "culpablia espresal" un cosa multe esensal, cuando on defini limitas de libria de espresa, ma el plu bon pensa, ce en la sosia ta debe domina plu bon un libria de espresa tro vasta ca tro limitada. On ta debe pote critica e an burla tota puntos de vista. Direto de blasfema ance es un cosa importante en un sosia libraliste.

Un libraliste no gusta un empapa.

Un libraliste no opina, ce la orijina de nase ta debe have un sinifia en la sosia.

Un libraliste no relata tolerante a sistemes de potia relijiosa.

Un libraliste no opina, ce el o sua partito posese la veria.

Un libraliste no nega la esiste de beneficas diferente en la sosia, ma el opina, ce on pote razonante arbitra entre los en parlamento.

Un libraliste probable obedi en parlamento plu sua propre razona ca sua partito.

Un libraliste no es contra autodetermina nasional, car lo es un caso de un prinsipe libraliste.

Un libraliste probable no presenta se como un humana multe bon.

Un libraliste no pensa, ce la blancas es suhumanas. El ance no opina, ce la blancas es suprahumanas. En ajunta el no ance opina, ce individuas blanca have como un carga sua peca orijinal spesifada, de cual individuas nonblanca es libre.

Un libraliste no ance opina, ce la negras es suhumanas. El ance no opina, ce la negras es suprahumanas.

Un libraliste no probable opina, ce un migra completa libre e un stato de bonvade ta pote esiste a la mesma tempo en la un e mesma pais.

Un libraliste no esije, ce la majoria grande de sitadanes es forsada studia un lingua prima de un minoria microscopial peti.

PS. Sur libralisme me a ante ia publici a esta mea blog un reporta detaliosa con titulo Libralisme es un ideolojia per libria e individua.

Logoterapia, un tipo de terapia e filosofia de vive

On ia dise, pos ce un humana ia cade ja a un situa nonposible, ce lo es recompensable a el influe a sua propre disposa, car lo es sola, a cual on pote influe.

Esta pensa ia es inventada par osteraices Viktor E. Frankl (1905–1997), ci ia es un neurolojiste e psiciatriste.

La prefikso logo- de la terma veni de un parola interpretable e helinica logos, cual refere a spirito e sinifia, entre otra cosas. Logos aveni ance es un terma a alga grado importante en la Testamento nova de cristianos.

Frankl ia comensa developa sur esta funda un orienta de terapia, cual el ia nomi logoterapia, de cual idea sentral ja-notada es.

Car Frankl ia es iudi, el ia es forsada esperimenta la idea sur campas de nazis de cuando anio 1942. El ia survive tra tre anios sur cuatro campas de consentra diferente, incluinte Auschwitz, cual ia muta ja a campa de destrui.

La filosofia de logoterapia ia es en esta manera redevelopada e esperimentada. Sur la campas el ia persepi, ce prisonidas, ci ia have alga sinifia en sua vive, ia survive plu probable ca los, ci ia perde ja la tota espera. La esperia sur los ia mostra a Frankl, ce humanas have la capasia trova un sinifia en vive, an en situas la plu asurda e dolosa.

Frank ia libri en april de anio 1945 e reveni a sua propre urbe Wien, e el ia persepi, ce sua madre, padre, frate e sposa ia mori ja sur campas. Sola sua sore Stella survive, car esta ia susede parti a Australia ante ce on ia aresta la otra familianes.

La tre prinsipes basin de logoterapia es:

• Vive have un sinifia en tota situas, ance en la plu terorinte de los.
• Un motiva la plu importante de nos es trova un sinifia per lo.
• Nos have la libria trova un sinifia en lo, cual nos fa, e cual nos esperia, o a la min en la disposa, cual nos prende cuando nos encontra acel sufri, cual no es alterable.

Multe iudis ia perde sua crede derivante de la terores de holocausto. Otras probable ia opina, ce Dio ia deveni loco entre la gera mundal du. A cualce caso alga iudis ia trova entre la terores la crede e la crede de algunes ia forti.

An con la nomi "terapia" on no have "tecnica de logoterapia" real e limitada – comparante a psicoanalise o psicoterapia cognisial – ma un logoterapiste usa la tecnicas, cual el regarda la plu bon.

Logoterapia es asentuada a lo, cual bon e intata ancora resta, sur cual on pote construi la futur. Logoterapia ance ia jenerali entre tempo estra psicoterapia a areas de vive e profesas variosa. Lo cabe eselente a dirije de labora e instrui. Logoterapia es ance tal orienta de terapia interesante, ce on pote regarda lo ance un filosofia de vive.

PS. E la cosa mesma en lingua finsce.

Political sur me

Me es un patriota. La parteni a la etnico finsce es un cosa importante a mea identia. Me promove nasionalisme moderada. Me ance promove sosial-democratisme.

Mea opina sur Dio

Me pensa, ce la demanda sur esiste de Dio, dio o dios vera es un demanda interesante, ma me senti, ce me no pote dise mea opina. Car on no have sufisinte informa sur esta sujeto.

Me have un relata a Dio con letera D major, ma me have no dogmas sur el, no an sur sua esiste.

E me opina, ce tal es bon.

...

PS. 31.7.2023: E la mesma testo en lingua finsce.

Estas no es sinonimes

Pira de libros e faro no es sinonimes.

Ma nos no va sede

Lo ia es la fini de anio 2259 de Tera, e la gera ia es supra nos. Como presensada, a alga dias pos ce on ia anunsia la contrata entre Tera e Sentauri, la sentauris ia estende sua gera per inclui multes de la Mundos nonaliada. E on ia have un otra gera, lenta bolinte plu prosima a casa. Un gera personal, de cual custa ta es plu grande ca no de nos ia pote imajina. Nos ia veni a esta loca, car Babilon 5 ia es nosa spera ultima, la plu bon, per pas. Hasta la fini de 2259, nos ia sabe, ce lo ia fali ja.

Ma en fa de tal, lo ia deveni alga plu alta. Cuando la gera ia estende, lo ia deveni nosa espera la plu bon e ultima – per vinse.

Car a alga veses, pas es un otra parola per sede.

Susan Ivanova

Oto beneficas de democratia comparante a autocratias

Esce en autocratia lo es un caso de un monarcia, un autocratia de un partito o per esemplo un autocratia militar, alora democratia have comparante a lo sete beneficas seguente:

• On pote recambia tenores de potia sin versa de sangue
• Humanas senti, ce los es un parte de la prosede de deside statal e comunia-legal tra sua direto de vota
• La beneficas de humanas es plu bon regardada tra la prosede democrata
• Humanas pote descarga sua "presas" par partisipa a la prosede democrata
• Potia mali e un potia asoluta mali asoluta, e par causa de lo es bon, ce democratia preveni la consentra de tempo longa de potia a un person, partito o frato
• En democratia la inteleto de grupo formida par votores produi un politica plu intelijente ca ta es posible sin votores
• En democratia desidores reseta un informa ojetal e onesta per funda de sua fa de desides
• Democratia es on projeta de pas, car democratias multe nonfrecuente gera con lunlotra.
  

PS. E mesma en lingua finsce.