23.4.2020

Ta ce nos marxa a acel trapa

Nos debe marxa a acel trapa con oios abrida, corajosa ma sabente, ce nos no ave multe de espera. Car, nobiles distinguida, lo pote aveni tal, ce nos va intera es destruida en un batalia negra longa de teras vivente; tal, ce an si Barad-dûr ta es destruida, nos no va vive per vide la tempo nova. Ma me vide, ce esta es nosa obliga. E plu bon tal, ca es destruida an con tota – como serta va aveni, si nos senta asi – e sabe en mori, ce la tempo nova no va veni.

un esemplo mestral de retorica

19.4.2020

Sur libria de dise

De libria de dise veni acel benefica, ce cuando la confere es sufisinte multivososa, alora faores de desides oteni par lo un informa plu vasta per funda de sua fa de desides, e mesma es natural valida a votores. En ajunta lo jeneral aida umanas mirori sua punto de vista a puntos de vista de otras e de ala aida umanas esplica sua puntos de vista e aida developa plu bon esplicada puntos de vista. Ance libria de dise diminui posiblia de umanas imajina, ce losa opina corente o vista es sur funda tan solida como per esemplo natural leges es.

En ajunta ance tal pensas, cual on duta falsa o noncoreta, debe es espresada, car en otra manera on no pote judi los e no plu serti o refuta los.

La proteje de libria de dise es nesesada spesial par tal opinas, cual la consilio governante, rena, umanas influente o popla grande odia.

Me ance ta dise, ce oposores de libria de dise, incluinte promovores de "libria culpable de dise", a me es umanas noiante, car los es pronto permete libria de dise mera a acel visinas, cual acorda con los. No umana a cualce caso es nonerante. No umana es dio e supra otras.

Mea padre ia es maciniste de aviones. Cuando me ia es joven, el ia trae a casa de la laboreria un telon de propaganda soviet – La uni soviet ia esiste ancora – en cual on ia nara detaliosa, como bon la constitui de la Uni soviet garantia librias e diretos de umanas. Mea padre no ia es marxiste-leniniste, ma a acel ves el ia ave umor per mostra a sua familia propaganda soviet.

Ance en La uni soviet ia esiste longo loa constitui libria de dise. Ma no ala on ia ave permete per dise cualce cosa. Si on ia critica per esemplo dirijores political, on ia pote cade en prison. O porta culpablia de sua dises, como cisa on pote dise oji.

Alga persones ave un opina multe inventosa sur lo, cual cosa es libria de dise.

Esense de libria de dise es en lo, ce on es permeteda lansa opinas e vistas enfernal stupida, an si los multe ta irita otra umanas. Opinas de oposores de libria de dise sur un parla permeteda es relatada a la pensa sur libria de dise de la Uni Soviet, Germania nazi e un potia congregal de tota mundo.

...
PS. 22.6.2020: E mesma en lingua finsce: Sananvapaudesta.

12.4.2020

Delenn como coler e bruta

El ia es la plus bon de nos... Los ia colpa sin provoca! No ia esiste un causa! Animales! Bruta! Los merita no pardona. Colpa los a su. Segue los a retro a sua stasion e mata tota de los! A mori! Tota a mori! No pardona!

-Delenn

5.4.2020

Sosial-democratisme bernsteinal – no utopisme

Eduard Bernstein (1850-1932) ia es un teoriste e politiciste german e sosial-democrata.

En Germania ia es en fini de sentenio de 1900 atal un confere sur malnomida revisa de marxisme. En confere lo ia ese caso de lo, ce esce constituor de democratisme sosial Karl Marx (1818-1883) ia es o pote es en alga cosas falsa. Bernstein mesma ia pensa tal, ce Marx ia es como plu joven en sua pensas political plu nonmatura e ce como plu vea om ia deveni plu razonante.

La obra plu major e conoseda de Bernstein es en anio 1899 publicida Die Voraussetzungen des Sozialismus und die Aufgaben der Sozialdemokratie (traduida: "Pre-esijes de sosialisme e taxes de democratisme sosial").

En sua libro el ia dise, ce contra prinsipes de marxisme capitalisme no ia es en via a un crise final, ma crises ia es diminuinte. El ia dise, ce posese no ia es consentrante a un elite peti e capitaliste, ma contradisente sperdente a plu vasta grupo de umanas. El ance ia critica teoria sur valua de labora de Marx.

En ajunta el ia dise, ce lo es asurda suposa, ce la stato e comunias legal ta pote posese tota companias. El ia sujesta, ce companias consumal e cooperantal ta es un cosa promovable. Los ta es a cualce caso longo jeneral benefica, an si los ta es privata.

Bernstein ta crede, ce state de laboriste clase bonira entre tempo. Om ta es libraliste sosialiste, ci ia crede, ce sosialisme debe construi sua luta a universal librial diretos de libralisme. Taxe de sosialisme ia es ul crese de area de libria en sosias. Esta ta aveni entre burjes democratia. On no ta nesesa violente revolui. Bernstein ia crede a moral potia de traversa de sosialisme. Ance en lo el ia difere de credal padre Marx, ci ia despeta tota moralisme.

Bernstein ance ia anunsia, ce a el la dialetica marxiste es un teoria descrivente, ma on no pote usa lo como un funda per predises sosial.

En ajunta el ia desfisa democratisme sosial de crede a la sosia nonstatal e ideal nomida comunisme, cual suda lete e miel e cual va veni pos un interfase sosialiste.

On pote regarda Bernstein como un desaponor de utopisme de marxisme.

Libro Die Voraussetzungen des Sozialismus und die Aufgaben der Sozialdemokratie ia ave un afeta grande a la tempo futur. Pos la mundal gera prima ia aveni la divide final a du – la sosial-democratisme bernsteiniste, e marxisme-leninisme o comunisme, cual de prinsipe ia crede a un revolui violente.

Me mesma ia leje la libro como plu ioven, e de lo me ia amira sania de la presenta de Bernstein.

Presidente de Finland Mauno Koivisto (sua du periodos de ofisia 1982–1994) ia es conoseda sur lo, ce el ia confesa se como un sosial-democrata bernsteiniste. El ia abitua repete un diseda saja de Bernstein:
La destina final de sosialisme, cualce lo probable es, no sinifia. La move es tota.
...
PS. 22.6.2020: E mesma en lingua finsce: Bernsteinilainen sosialidemokratia – ei utopismia.