22.3.2020

No multe de neva en esta inverno

Nos asi en Finland en urbe de Vantaa no ia oteni un natal blanca.

Asta aora no ia es un natal vera con neva. On ia ave mera poca jela.
 
La plu mal inverno de tota tempos a finsces en mea urbe de nase...

La neva sur tera dona sempre un lumina a finsces.

Ma no en esta inverno a multe de finsces. Tro alta temperatur...

11.3.2020

Jussi Halla-aho, un disentor finsce

Jussi Halla-aho (n. 1971) es un politiciste finsce, cual orijinal ia deveni conoseda par sua blog Scripta ("Scrivedas de/sur ueste afondante"). A pos el ia junta a partito Perussuomalaiset, cual a alga grado ia suporta poplisme e cisa ance nasionalisme. En acel tempo la partito ia es dirijeda par catolica Timo Soini, cual ance ia es un de instituores de la partito (instituida en anio 1995).

La nom de partito Perussuomalaiset es par fato a grado grande nonposible tradui esata a multe de otra linguas.

Car Halla-aho ia es nasional conoseda, el ia deveni un membro de la comite de urbe Helsinki, capital de Finland, en anio 2009. Un membro de la parlamento de Finland el ia deveni en anio 2011. Un membro de parlamento de La uni european el ia deveni en anio 2014.

Jussi Halla-aho ia suporta un benefica de la popla finsce e oposa multiculturalisme. Par causa de esta el ia es burlada nazi, raziste, faxiste, an si el ia oposa un patriotisme estrema, un nasionalisme estrema, razisme e un violentia political. E an si el ia suporta democratia e stato constitual.

Ma a alga umanas un sinia de sua propre virtua es multe importante.

Suprema corte ia condena Halla-aho a multa par causa de usa de libria de dise en anio 2010.

En junio de anio 2017 Timo Soini ia abandona la ofisia de presidente de Perussuomalaiset. En acel momento Perussuomalaiset ia es du anios en la consilio governante de Finland. A la ofisia ia es elejeda Halla-aho en la asembla partital. Esta ia evoca un coleri grande, e lo ia es vasta regardada un mal move.

Ma me ia junta me a membro de Perussuomalaiset.

...Como un politiciste Halla-aho es analisal. Ela presedor como presidente de Perussuomalaiset, Timo Soini, ia es un demagogo....

Alora Timo Soini e cadas de otra ministros de Perussuomalaiset ia abandona sua partito e constitui un grupo nova e political en parlamento. A nom de la grupo ia deveni Sininen tulevaisuus (traduida: Un futur blu). Otra partitos political en la consilio governante, Suomen keskusta (traduida: Sentro de Finland) e Kansallinen kokoomus (traduida: Un alia nasional), ia coleri multe. Ance Sampo Terho, ci a ante ia dise, ce el ave opinas simil e political como Halla-aho, ia abandona la partito. Majoria de partitos en la parlamento ance ia refusa de coopera con Perussuomalaiset.

A ante on ia reproxa Perussuomalaiset un partito estrema. Aora, cuando Jussi Halla-aho ia es elejeda a presidente de partito, on ia dise, ce Perussuomalaiset ia aora deveni un partito estrema.

En elejes parlamental de anio 2019 Sininen tulevaisuus cadeva de la parlamento finsce. Timo Soini no ia partisipa a elejes.

En mesma elejes Jussi Halla-aho ia reveni a la parlamento finsce.

En cuasi comensa de anio 2020 la organiza jovenal de Perussuomalaiset ia refusa de un projeta de dirijores partital, longo cual membros de la organiza jovenal debe es ance membros de partito. Esta ia resulta a lo, ce Perussuomalaiset ia constitui un organiza nova e jovenal en loca de pasada. La projeta ia deriva de lo, ce en sirculos de la organiza jovenal ia ata elementos faxiste. En regulas de la organiza nova e jovenal on ia scrive sur respeta de democratia, libria de dise e la stato constitual.

...
PS. 22.6.2020: E mesma en lingua finsce: Jussi Halla-aho, suomalainen toisinajattelija.
...
PS. 21.6.2021: Jussi Halla-aho ia anunsia, ce el no va continua como presidente pos agosto.

7.3.2020

Libralisme es un ideolojia per libria e individua

Libralisme es un ideolojia political per libria, individua, siensa e progresa. Lo nega tal sistemes potial e moral, cual es fundida a la orijina de nase, e libria personal es esensal a lo.

Libralisme promove tal pensas, ideas e programes como libria de dise, libria de jornalistes, libria de relijio, libria comersial e la economia mercatal, la autodetermina nasional, democratia, la direto de umanas a deside de sua propre vive, siensa, la rena secular, la egalia de sesos e la egalia de sitadanes ante lege.
 
Libralisme aproba la pensa de esiste de interesas sosial diferente, ma longo la ideolojia de libralisme en parlamento on pote razonante reconsilia entre interesas diferente.

La libralisme orijinal ia es, spesial, un ideolojia de burjesia. En sua tempos la libralisme orijinal ia es en pratica un ideolojia sosial nonencargable. En la comensa mesma lo ia prefere per dona libria sola a un parte limitada de umanas. On pote ja dise, ce en comensa libralisme no ia es un ideolojia de libria, ma un motel en cual lo ia es inisiada.

La industri en parte ia a ante pari libralisme, e cuando la promove laboriste ia es pico e pico deveninte a funsionor forte, ance en sirculos libraliste on ia comensa plu frecuente aseta programes sosial per boni situas de laborores e povres e miseras.

Ia esiste ance alga representores inisial de libralisme nova e sosial, como filosofiste e economiste engles John Stuart Mill (1806-1873).

La libralisme orijinal on pote nomi libralisme clasica distinguida de plu democrata libralisme sosial. En veria ance alga sosial plu encargable libralistes nomi se promovores de la libralisme clasica.

Pos recambia de sentenios 19 e 20 partitos libraliste ia cade plu e plu a un situa sever e competal con partitos sosialiste – marxiste e anarciste – e los plu o min ia atrofia. A cualce caso, nondependente de lo, esce umanas corente nomi se libralistes en paises ueste, jeneral los promove plu o min ideas esensal de libralisme.

En recambia de sentenios 19 e 20 Eduard Bernstein (1850-1932), un teoriste e politiciste german e sosial-democrata en sua scriveda Die Voraussetzungen des Sozialismus und die Aufgaben der Sozialdemokratie (traduida de nom: Pre-esijes de sosialisme e taxes de democratisme sosial) ia intende separa marxisme de utopias e asosia lo a malnomida democratia burjes e a pensas librial de libralisme, e car esta bernsteinisme ia entre tempo a alga grado deveni norma de la sosialisme marxiste en paises ueste, on pote oji dise, ce la libralisme sosial e la sosialisme marxiste no sempre es seria contradisente a lunlotra.

Ma libralisme ancora no a cualce caso pote sinifia sosialisme, an si esiste forma libraliste e spesial de sosialisme nomida democratisme sosial e bernsteinal. Libralisme asentua libria a alga grado plu ca bernsteinisme. Me pensa, ce como libralisme on no ance pote regarda tal ideolojias, cual divide umanas a grupos, cual ave diretos diferente en la sosia, fundida a posa de individua en ierarcia de vitimas.

Libralisme oji es an un terma a acel grado popular, ce alga umanas oji finje libralistes, an si los promove cosas, cual es contradisente a lo. Cosas como restrinjes forte de libria de dise, discrimina contra alga umanas o per esemplo forsa de un majoria grande de sitadanes a studia un lingua prima de microscopial peti minoria en scola.

Esta cosa ance es turbada par lo, ce en la Statos unida de America de desenio de 1930 progresistes de cada mundo ia nomi se libralistes nondependente de lo, esce losa pensas es libraliste en modo forte. Esta deriva de presidente Franklin Delano Roosevelt, ci ia espresa en sua tempo, ce el es "libraliste", e ci la grande popla conose sur ela programes sosial e aidante entre la depresa economial de desenio de 1930.

Me ia critica en libralisme lo, ce la ideolojia tradisional de lo ia fida a lo, ce umana es un esente economial calculante e razonal. Cuando umana no es tal, ma el es produida de la evolui biolojial e ela serebro e mente es ance produida par lo. Umana es ance un animal e el no es en sua cor bon o bon a mente plen. E en ajunta me ia critica lo, ce libralisme ave un tende atomisa la sosia par trata umanas como mera individuas, an si par fato umanas ave familias e los parteni a comunias diferente.

Ma me vera debe confesa, ce pote esiste tipos diferente de umanas libraliste. E on pensa, ce esiste tipos diferente de libralisme: la libralisme clasica e la libralisme sosial (per esemplo). Libralisme de oji ance pote es plu siential ca libralisme de pasada.

...
PS. 22.6.2020: E mesma en lingua finsce: Liberalismi on vapautta ja yksilöä kannattava poliittinen ideologia, e: Missä asioissa olen samaa mieltä liberalismin kanssa.

5.3.2020

Multiculturia e multiculturalisme, un ideolojia political

En multiculturia lo es caso de lo, ce la sosia es divideda a grupos, cual es oposante a lunlotra.

La antonim de multiculturia no es monoculturia, ma lo, ce en la sosia esiste regulas minima e spesifada, longo cual cadas o cuasi cadas de umanas vive.

Un ideolojia political, cual promove multiculturia, on nomi multiculturalisme.

Tipal a multiculturalisme es un pensa sur ierarcia vitimal.

En ajunta multiculturalisme par fato multe onora om muslim e ela relijiosa e fundaliste diretos supra diretos de femes, xicas, omosesales e disentores. Par causa de alga cosa la om muslim es a la plu alta en la ierarcia vitimal de multiculturalisme.

...
PS. 22.6.2020: E mesma en lingua finsce: Monikulttuurisuus sekä poliittinen ideologia monikulturismi.