26.8.2020

Nasionalisme debil e nasionalisme forte

La funda de nasionalisme es en direto de autodetermina nasional, cual es ance un prinsipe libraliste.

A nasionalisme ance inere un pensa de direto de popla a cultiva, developa e proteje sua cultur. A nasionalisme inere ance un pensa sur direto e obliga per fa politica longo la benefica de la popla.

Si un tipo de nasionalisme es sola de esta tipo e a lo no inere un contradise prinsiposa de la dinia umana de otra poplas e etnicos, lo es un caso de un nasionalisme umana-fasosa. Me mesma con plase ta nomi lo nasionalisme debil.

Per esemplo poca conoseda nasionalisme global representa nasionalisme debil. Cualcun pote trova en sua pais partitos o organizas, cual ance representa lo.

Per esemplo en istoria de mea propre pais Finland nasionalisme debil ia representa acel umanas, ci ia promove un velia nasional, acel finsces, ci ia promove egalia entre linguas finsce e svensce, e acel finsces, ci no ia odia de profonda de sua cor rusces par causa de losa ruscia ma ia promove la desdepende de Finland de Rusia.

On ance ave nasionalisme de otra tipo. Tal, cual de prinsipe es pronto per sacrifia otra poplas e etnicos per un benefica suposada de propre popla. Nasionalisme de esta tipo no suporta la pensa sur dinia umana identica de tota umanas, donce lo es un caso de un forma patolojial de nasionalisme. Me nomi nasionalisme de esta tipo nasionalisme forte.

Nasionalisme forte es representada en mea propre pais Finland La promove resistal norde, cual representa neonazisme.

En istoria presedente nasionalisme forte ia representa la plu bon Partito german e nasional sosialiste de laborante popla e Germania nazi governada par lo. Fasisme de Italia on pote ance regarda como esemplo de nasionalisme de esta tipo. An si la ideolojia ia adora stato, no popla e un erita de sangue, alora Italia de Mussolini a cualce caso ia ataca en anio 1935 en Abessinia e ocupa pais, e en anio 1938, seguente esemplo de Germania nazi, Italia ia esecuta un anti-iudi legi. E lo an ia ataca en Helas en anio 1940. Espania de Francisco Franco es ance un esemplo moderante bon de nasionalisme forte. Estra tota otra en Espania de Franco on ia proibi la parla de linguas minorial.

...

PS. 13.9.2020: Orijinal me ia publici esta testo en finsce en mea otra blog.

Ei kommentteja:

Lähetä kommentti