Mea relijio sin relijio

La mundo es un prison.

Corta sur limitadia de humana

La humana es un esente seria limitada par sua sistem corpal e leges natural. Me opina, ce esta no es un cosa multe comfortosa.

Sinifias de termas destrisme estrema e sinistrisme estrema

On habitua e ia habitua nomi nazis e la faxistes orijinal de Italia destristes estrema.

A cualce caso nun pote en un manera dise, ce o nazisme o faxisme es multe destristes. En Liberalismiwiki (scriveda en finsce) on an evidenti tal caso, ce la politica de la partito governante de Germania nazi ia es relativa sinistriste.

On ja pote a alga grado nomi la falangistes de Espania destristes, car los ia es en alia con la eclesia catolica e propriores grande de tera.

Ma donce on multe jeneral pote nazis e cisa faxistes nomi sinistres estrema. E faxistes on pote, me opina, nomi ance sentristes estrema.

Ance comunistes es sinistristes estrema, an si an plu sinistriste ca nazis, car en la programes de comunistes ia parteni ante la Xina continental moderna en la tota mundo un sosialisa de la tota o cuasi tota medias de produi, e la instituidas finansial.

A metodos e puntas de e nazis e comunistes e faxistes ia ance parteni viole political e retira de diretos political – incluinte libria de espresa – de sitadanes. Nazis ia ance clar es per un ideolojia raziste. Ala es razonas nomi esta ideolojias ideolojias estrema.

Me opina, ce nazisme e faxisme difere de lunlotra en ance lo, ce nazisme es un ideolojia local, de cual razona es produi un benefica sola a germanes o jeneral a aceles, cual parteni a "raza germanica", ma faxisme es un ideolojia global; lo pote es aplicada a cualce parte de la mundo e par cualce persones.

Me justi la cosa ance con lo, ce lo ta es razonante nomi a destristes estrema tal humanas, ci promove o stato minima o anarcocapitalisme. Stato minima es un stato, en cual on regarda ce la funsiona de la potia publica per la plu sola la suporta de securia jeneral e la sistem judal. Anarcocapitalisme es un sistem sosial, cual es fundida a corporas privata. Donce los mesma formi en anarcocapitalisme la aparatos de viole e la sistem judal.

A la otra lado lo ta es razonante nomi a destristes estrema ance cualce autocratias destriste.

PS. 17.2.2024: E la mesma testo en un norma lunngual e diferente.

Humanas, un prinsipe importante

Mea sinifia de vive la plu nova:

humanas

Ideolojias political con sua antonimes

Plural menses ante ahora me ia partisipa a un sonda de opina, en cual on ia demanda sur vistas political de la respondores. Par alga manera faores de la sonda ia susede ja malfa par pone conservalisme e libralisme a antonimes a lunlotra. De la sonda me ia catura la inspira per scrive esta scriveda blogal.

Ma así on ta have alga pares real de antonimes political:

Conservalisme honora relijio e tradision e supra tota aceles autorias, cual conveni a se. Conservalisme relata critical a la pensa de humana como un bon esente.

La antonim de conservalisme es radisalisme, o promove de cambias rigorosa e profonda a sosia. Longo radisalisme un sosia brava es como un omeleta, cual nesesante on no pote reali sin rompe de ovos, lo es: humanas.

E libralisme es un ideolojia political per libria, individua, siensa e progresa. Lo nega tal sistemes potial e moral, cual es fundida a la orijina de nase, e libria personal es esensal a lo.

La antonim de libralisme es autoritaria o crede a autorias. Un autoritariste inferiori a dirije de un autoria sin demandas.

Sosialisme es un ideolojia, cual promove la posese publica de medias de produi e instituis finansial.

La antonim de sosialisme es promove de minarcia o stato de gardanote. En minarcia la stato imposta e lo have sua propre ordina de judi, ma la taxes de la stato ia es minimida. Un stato de gardanote susta polisia e la armada per garantia la securia interna e esterna e per garantia la direto per la posese privata, incluinte comersia. Longo un otra interprete anarcocapitalisme es la antomim de sosialisme. En anarcocapitalisme la funda de vive sosial e statal es en companias privata, cual determina la regulas, longo cual humanas vive.

Me denova ia inventa un sinifia nova per vive

Me a la note ultima ia inventa denova un sinifia nova per vive:

Si felisia es posible, ta ce tu es felis. Si contentia es posible, ta ce tu es contente.

Cual tipo de imaje de Putin va permane a desendentes

Cuando la tempo abandona autocrata Putin, alora cual tipo de imaje va permane de el a desendentes?

Me opina, ce a la min un imaje de un de dirijestatos la plu sobornada en la mundo moderna. On pote a cualce caso contradise a esta lo, ce Putin cura sola la opina de rusces etnical.

An si a la otra lado Putin no cura txa la opina de rusces, si lo es contra sua propre opinas. Si en Rusia ta esiste libria de espresa, e si no person ta cade a difisilia par causa de oposa de la dirijor, alora lo ta pote es, ce la majoria de rusces etnical ta oposa Putin.

Ma a la otra lado, la popla rusce es per la plu composada de humanas, cual no respeta un posesada privata, e an min la posesada publica. Estas humanas par causa de lo vera respeta Putin, car el ja es la plu grande de furores.

La desendentes va a cualce caso memori sur Putin ance lo, ce el ia priva ja eseta de minorias etnical, ance de rusces etnical la diretos political de los. E lo, ce el ia comensa ja la gera de destrui contra Ucraina per cansela esta nasion a via de la mundo. A eda antica ucrainsces ia es un popla de frates a rusces. Oji lo no es la cosa.